Ադրբեջանը հերթական անգամ խախտել է հրադադարի պահպանման ռեժիմը. ԼՂՀ ՊՆ

Համաձայն  ԼՂՀ պաշտպանության նախարարության մամուլի ծառայության կողմից տարածած հաղորդագրության,  փետրվարի 10-ի լույս 11-ի գիշերը և այսօրվա ընթացքում ղարաբաղաադրբեջանական զորքերի շփման գոտու մի շարք հատվածներում հակառակորդը  խախտել է հրադադարի պահպանման ռեժիմը:

Մասնավորապես, ադրբեջանական զինուժի առաջապահ ստորաբաժանումները փոքր տրամաչափի հրաձգային տարբեր զենքերից գնդակոծել են հարավային` Մեհդիլի,  հարավ-արևելյան` Քարվենդ, արևելյան` Մուղանլու և հյուսիս-արևելյան` Շուրաբադ-Սեյսուլան ուղղություններում տեղակայված հայկական դիրքերը:

Պաշտպանության բանակի մարտական հերթապահություն իրականացնող ստորաբաժանումների կողմից ձեռնարկված պատասխան գործողություններից հետո հակառակորդը լռել է:

Ադրբեջանական զինուժի կողմից հրադադարի ռեժիմի խախտման արդյունքում ղարաբաղյան զինուժը  կորուստներ չի ունեցել:-0-