ԼՂՀ նախագահը Մոսկվայում հանդիպեց Ռուսաստանում Հայաստանի դեսպանի հետ
03.12.2008,
19:09
ԼՂՀ նախագահը Մոսկվայում հանդիպեց Ռուսաստանում Հայաստանի դեսպանի հետ
ՍՏԵՓԱՆԱԿԵՐՏ, 3 դեկտեմբերի. /Նովոստի-Արմենիա/. Չորեքշաբթի ԼՂՀ նահագահ Բակո Սահակյանը Մոսկվայում հանդիպում է ունեցել Ռուսաստանի Դաշնությունում Հայաստանի Հանրապետության արտակարգ և լիազոր դեսպան Արմեն Սմբատյանի հետ, «Նովոստի-Արմենիա» գործակալությանը հայտնեցին ԼՂՀ նախագահի մամուլի ծառայությունից
«Հանդիպման ընթացքում քննարկվեց արտաքին քաղաքականության և Արցախ-Հայաստան հարաբերություններին առնչվող հարցերի լայն շրջանակ»,- ասվում է հաղորդագրությունում։
Նույն օրը պետության ղեկավարը հանդիպումներ է ունեցել նաև գործարարներ և բարերարներ Աշոտ Խաչատրյանի և Գենադի Ստեփանյանի հետ։
«Հանդիպումներին քննարկվել են մայրաքաղաք Ստեփանակերտում հանրապետական ծննդատան նոր մասնաշենքի կառուցման աշխատանքները սկսելու հետ կապված հարցեր»,- նշվում է հաղորդագրությունում։ -0-
Պատճենել հղումը
