Հրադադարի ռեժիմը պահպանվում է Լեռնային Ղարաբաղի շփման գծի ողջ երկայնքով
15.12.2020,
14:25
Խաղաղապահ գործողության ընթացքում ապահովվել է ավելի քան 39 հազար փախստականների անվտանգ վերադարձը
ԵՐԵՎԱՆ, 15 դեկտեմբերի․ /Նովոստի-Արմենիա/․ Հրադադարի ռեժիմը պահպանվում է Լեռնային Ղարաբաղի շփման գծի ողջ երկայնքով: Այս մասին ճեպազրույցի ժամանակ ասել է Ռուսաստանի պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը:
«Լեռնային Ղարաբաղում ռուսական խաղաղապահ ուժերը շուրջօրյա վերահսկում են իրավիճակը և հրադադարի ռեժիմի պահպանումը: Հրադադարի ռեժիմը պահպանվում է շփման գծի ողջ երկայնքով», - ասել է Կոնաշենկովը, հաղորդում է ՌԻԱ Նովոստին:
Կոնաշենկովը հայտնել է նաև, որ մեկ օրվա ընթացքում Հայաստանի տարածքից վերադարձել է ևս 825 մարդ: Խաղաղապահ գործողության ընթացքում ապահովվել է ավելի քան 39 հազար փախստականների անվտանգ վերադարձը: -0-
Պատճենել հղումը
