ԵՐԵՎԱՆ, 19 հոկտեմբերի․ /Նովոստի-Արմենիա/․ «Կոմերսանտ» -ին տված հարցազրույցում ՀՀ նախագահ Արմեն Սարգսյանը պատասխանել է այն հարցին, թե ինչ պայմաններում երկիրը կարող է ճանաչել Արցախի անկախությունը:
Загружается новость ... "Лево"
«Սա միաժամանակ և՛ պարզ, և՛ բարդ հարց է: Խորհրդային Միության վերջին օրերին, երբ Լեռնային Ղարաբաղի ժողովուրդը հանրաքվեի ժամանակ հայտարարեց ազատ ապրելու և իր կյանքը, իր պատմությունը, իր ժառանգությունն ու մշակույթը ղեկավարելու ցանկությունը, ՀՀ Գերագույն խորհուրդը կողմ քվեարկեց դրան (Լեռնային Ղարաբաղի հանրապետության ճանաչմանը): Բայց հետո գործընթացը կանգնեցվեց: Տրամաբանությունը պարզ էր. 1994-ին ստորագրվեց զինադադար և սկսվեց Մինսկի գործընթացը: Հայկական կողմը հայտարարեց․ «Որպեսզի չբադրացնենք գործընթացը, մենք կանգնեցնում ենք Լեռնային Ղարաբաղի ճանաչումը, կզրուցենք և արդյունքում կպայմանավորվենք Լեռնային Ղարաբաղի վերջնական կարգավիճակի մասին », - ասել է Սարգսյանը:
Նրա խոսքով, Հայաստանի կողմից անկախությունը չճանաչելը կապված է միայն այն բանի հետ, որ հայկական կողմը ցանկանում է հարցը լուծել խաղաղ բանակցությունների միջոցով:
«Սա մի թունել է: Եվ եթե այս թունելի վերջում կա լույս՝ Լեռնային Ղարաբաղի հիմնախնդրի վերջնական խաղաղ լուծման լույս, ապա կարելի է մի փոքր էլ սպասել: Իսկ եթե լույս չկա, այսինքն` եթե պարզ է, որ Ադրբեջանը, Թուրքիայի աջակցությամբ, ոչ մի դեպքում չի գնա բանակցությունների ճանապարհով, ապա, բնականաբար, Հայաստանը կճանաչի Ղարաբաղի անկախությունը»,- ասել է Սարգսյանը:-0-