ԵՐԵՎԱՆ, 14 հոկտեմբերի./Նովոստի-Արմենիա/. Ղարաբաղյան կարգավորման շուրջ բանակցային ձևաչափն անփոփոխ է մնում, հայտնել է չորեքշաբթի ռուսական ԶԼՄ-ների հետ հարցազրույցում ՌԴ ԱԳ նախարար Սերգեյ Լավրովը: Նա շեշտել է ԵԱՀԿ Մինսկի Խմբի համանախագահների կարևոր դերակատարությունը, որը նաև ճանաչվել է ՄԱԿ-ի Անվտանգության խորհրդի կողմից, որտեղ Ռուսաստանը նախաձեռնող առաջնային դիրքերում է:
«Փորձեր կան միջնորդների թիվն ընդլայնելու, բայց Մոսկվայում շաբաթ գիշերը մի փաստաթուղթ է ընդունվել, որի վերջին կետի համաձայն, բանակցային ձևաչափն անփոփոխ է մնում: Դա նույնպես հիմա միջազգային իրավունքի մաս է՝ հանդիսանալով կողմերի պայմանավորվածություն»,- հայտնել է Լավրովը:
Նրա խոսքով, վերջին ժամանակում Ռուսաստանի սահմանների շուրջ տատանումներ են կատարվում և «մարդկային առոըմով երբեմն ուզում ես կոպտել և ագրեսիվորեն արտահայտել գործընկերների վարվելաձևի հանդեպ վրդովվմունքդ, բայց ստպված ես զսպել ինքդ քեզ»:
«Մեզ հավասարակշռությունից հանել հնարավոր է ոչ միայն ուղիղ հարձակումներով անբարեխիղճ մրցակցության, պատճամիջոցների ճանապարհով, այլև մեր սահմանների շուրջ իրավիճակը անհավասարակշռությունից հանելով՝ թույլ չտալով կենտրոնանալ մեր գործերի վրա», - հայտնել է Լավրովը:
Նրա խոսքով ՝ անհրաժեշտ է մնալ միջազգային իրավունքի մակարդակում, և մարդկությունը դեռ ավելի հուսալի բան չի հորինել, քան ՄԱԿ-ի կանոնադրությունը:-0-