Ղարաբաղում չպետք է լինեն ծայրահեղական վարձկան-ջիհադիստներ. ՌԴ ԱԳՆ

ԵՐԵՎԱՆ, 21 դեկտեմբերի./Նովոստի-Արմենիա/. ՌԴ ԱԳ նախարարի տեղակալ Օլեգ Սիրոմոլոտովը պատասխանել է Ռիա Նովոստիի հարցին, թե արդյոք Ռուսաստանն ունի տեղեկություններ Լեռնային Ղարաբաղում պատերազմող զինյալների վերաբերյալ՝ դուրս են բերվել վերջիններս տարածաշրջանից, ում կողմից և որտեղ:

«Լեռնային Ղարաբաղում տեղի ունեցող ռազմական գործողություններին Մերձավոր Արևելքից զինյալների առկայությունը արձանագրված փաստ է, որը հաստատվել է ոչ միայն մեր կողմից: Զինյալների թիվը հասնում էր երկու հազարի: Մենք հենց սկզբից մտահոգություն էինք հայտնում ջիհադիզմի գաղափարախոսությունը դավանող ծայրահեղական վարձկանների հայտնվելու իրողության շուրջ: Մեր դիրքորոշումը նրանց նկատմամբ չի փոխվել՝ նրանք չպետք է այնտեղ լինեն»,- նշել է Սիրոմոլոտովը: -0-