ԵՐԵՎԱՆ, 8 հոկտեմբերի./Նովոստի-Արմենիա/. Ամերիկյան հեռուստաաստղ և ձեռնարկատեր Քիմ Քարդաշյանի քույրը՝ Քորթնի Քարդաշյանը ևս սատարել է իր հայրենակից հայերին ընդդեմ ադրեջանական ագրեսիայի մղվող Արցախյան պատերազմում:
«Արցախի հայերը Ադրբեջանի կողմից գրոհի են ենթարկվում: Այս մասին պետք է հայտնել համաշխարհային հանրությանը, լրագրողներին, մարդու իրավունքների գծով կազմակերպություններին և կառավարություններին: Դա հայերի էթնիկ զտման վտանգ է իրենց նախնիների հայրենիքից` Արցախից»,- գրել է նա Instagram-ում:
Քորթնին կոչ է արել իր հետևորդների օգտվել մարդկության դեմ այս հարցագործությունը կանգնեցնելու իրենց հնարավորությունից:
«Մենք պետք է հորդորենք մարդկանց կապի դուրս գալ ԱՄՆ ներկայացուցիչների հետ՝ Ադրբեջանի և Թուրքիայի այս գործողությունները դադարեցնելու համար»,- նշել է նա:
Նույնպես աստղը կիսվել է Armenia Fund-ի հղումով, որն ուղղված է Արցախին աջակցելու համար միջոցներ հավաքելուն: -0-