ԵՐԵՎԱՆ, 19 նոյեմբերի․ /Նովոստի-Արմենիա/․ Եվրամիության ղեկավարությունը կարծում է, որ անհրաժեշտ է վերսկսել Լեռնային Ղարաբաղի քաղաքական կարգավիճակի շուրջ բանակցությունները՝ ԵԱՀԿ Մինսկի խմբի շրջանակում, հաղորդում է ՏԱՍՍ-ը՝ հղում անելով ԵՄ դիվանագիտության ղեկավարի՝ ժոզեպ Բորելի հայտարարությանը։
«Ռազմական գործողությունների դադարեցումը միայն առաջին քայլն է Լեռնային Ղարաբաղի երկար տարինրի հակամարտության դադարեցման ուղղությամբ: ԵՄ-ն կարծում է, որ անհրաժեշտ է ջանքեր գործադրել հակամարտության բանակցային, համապարփակ և կայուն կարգավորման ուղղությամբ, այդ թվում` Լեռնային Ղարաբաղի կարգավիճակի հարցով», - ասվում է հայտարարության մեջ:
Այս կապակցությամբ, ըստ Բորելի, «ԵՄ-ն վերահաստատում է իր լիակատար աջակցությունը ԵԱՀԿ Մինսկի խմբի միջազգային ձևաչափին»: «ԵՄ-ն պատրաստ է արդյունավետորեն նպաստել հակամարտության ամուր և համապարփակ կարգավորման ձևավորմանը, ներառյալ, հնարավորության դեպքում, կայունացման միջոցառումների, հետկոնֆլիկտային վերակառուցման և վստահության ամրապնդման միջոցով», - հավելել է նա:
Загружается новость ...
"Право"
ԵՄ-ն նաև կոչ է արել ամբողջությամբ և շուտափույթ դուրս բերել տարածաշրջանից բոլոր օտարերկրյա զինյալներին: «ԵՄ-ն տարածաշրջանային բոլոր սուբյեկտներին կոչ է անում զերծ մնալ ցանկացած գործողությունից կամ հռետորաբանությունից, որոնք կարող են սպառնալիք հանդիսանալ զինադադարի համար», - հավելել է Բորելը՝ նկատի ունենալով Ֆրանսիայի նախագահ Էմանուել Մակրոնի՝ հոկտեմբերի սկզբին ԵՄ գագաթնաժողովում Թուրքիայի կողմից Սիրիացի զինյալներին Լեռնային Ղարաբաղ տեղափոխելու փաստի մասին հայտարարությունը։
Բացի այդ, Բորելը ասել է, որ «ԵՄ-ն ուշադիր կհետևի հրադադարի դրույթների կատարմանը, հատկապես դրա դիտարկման մեխանիզմի հետ կապված»:
ԵՄ-ն հիշեցրել է նաև «իր վճռական հակադրությունը ուժի, մասնավորապես՝ կասետային զինամթերքի և հրկիզիչ զենքի ՝ որպես վեճերի լուծման միջոցների օգտագործմանը»:
«ԵՄ-ն շեշտում է, որ միջազգային մարդասիրական իրավունքը պետք է հարգվի և կողմերին կոչ է անում կատարել ռազմագերիների փոխանակման և մարդկային մարմինների վերադարձի մասին պայմանավորվածությունները, որոնք ձեռք են բերվել Ժնևում հոկտեմբերի 30-ին՝ ԵԱՀԿ Մինսկի խմբի համանախագահների ձևաչափի շրջանակում», - ասվում է հայտարարության մեջ: «ԵՄ-ն ընդգծում է տեղահանված անձանց Լեռնային Ղարաբաղ և նրա շրջակայք կամավոր, անվտանգ, արժանապատիվ և կայուն վերադարձի հնարավոր լավագույն պայմանների ապահովման կարևորությունը»:
Բացի այդ, Բորելը շեշտել է «Լեռնային Ղարաբաղում և նրա շրջակայքում մշակութային և կրոնական ժառանգության պահպանման և վերականգնման կարևորությունը»: «Ցանկացած ռազմական հանցագործություն, որը կարող է կատարված լինել, պետք է ուսումնասիրվի», - ասել է նա: -0-
