Արցախը եղել է, կա և կլինի մեր սրտերում. Վանեցյան
ԵՐԵՎԱՆ, 2 սեպտեմբերի․/Նովոստի-Արմենիա/. Արցախյան հարցը չի կարող փակվել։ Այս մասին հայտարարել է ՀՀ ԱԾ նախկին տնօրեն «Հայրենիք» կուսակցության առաջնորդ Արթուր Վանեցյանը։
Նա ելույթ է ունեցել «Արցախի կանչը» հուշահամալիրի բացման արարողության ժամանակ, որն իրականություն է դարձել է իր ընտանիքի անձնական միջոցներով՝ ի հիշատակ Ադրբեջանի զինված ագրեսիայի ժամանակ 2023 թ.-ի սեպտեմբերի 19-20-ը և Պաշտպանության բանակի վառելիքի պահեստում տեղի ունեցած ողբերգական պայթյունի հետևանքով զոհվածների անմար հիշատակին։
«Այսօր՝ սեպտեմբերի 2-ը, Լեռնային Ղարաբաղի Հանրապետության հռչակման օրն է։ Այսօր տեղի է ունեցել «Արցախի կանչը» հուշահամալիրի բացման հանդիսավոր արարողությունը։ Դեռևս 90-ականներին հայ ժողովուրդը ապացուցեց, որ իր հայրենիքում անվտանգ և արժանապատիվ ապրելու իրավունքին այլընտրանք չկա։ Վերջերս թշնամական պետություններն ու Հայաստանի իշխանությունները փորձում են մեզ համոզել, որ Արցախյան հարցը փակված է, որ Արցախն այլևս գոյություն չունի։ Բայց Արցախը եղել է, կա և միշտ կլինի մեր մտքերում, սրտերում և հոգիներում», - ասել է Վանեցյանը։
Նրա խոսքով՝ այսօր Արցախ այցելելու հնարավորություն չկա։
«Նրանք փորձում են սա մեզ ներկայացնել որպես նոր իրականություն՝ խաղաղություն։ Նպատակը մեկն է՝ ապահովել, որ հայ ժողովրդի դեմ կատարված այս հանցագործությունը անպատիժ մնա։ Բայց ոչ ոքի դա չի հաջողվի։ Այստեղ թաղված հազարավոր հերոսները դրա վկայությունն են։ Մենք պայքարում ենք իրական խաղաղության, արդարության և ինքնության պաշտպանության համար», - ասել է Վանեցյանը։
