ԵՐԵՎԱՆ, 28 նոյեմբերի․ /Նովոստի-Արմենիա/․ Ֆրանսիայի կառավարությունը ուսումնասիրել է նոյեմբերի 10-ին Հայաստանի վարչապետի, Ռուսաստանի և Ադրբեջանի նախագահների միջև ստորագրված եռակողմ հայտարարությունը և գտնում է, որ կան կետեր, որոնք պետք է քննարկել: Այս մասին մամուլի ասուլիսի ժամանակ ասել է Ֆրանսիայի արտաքին գործերի նախարարության պետքարտուղար Ժան-Բատիստ Լըմուանը:
«Ուսումնասիրել ենք նոյեմբերի 10-ին ստորագրված համաձայնագիրը և, բնականաբար, այնտեղ կան կետեր, որոնք հաշվի առնված չեն, որոնց պետք է անդրադառնալ: Դա արդեն քաղաքական կողմն է: Դա պետք է արվի, հավանաբար, ԵԱՀԿ Մինսկի համանախագահության շրջանակում»,- ասել է նա:
Загружается новость ... "Лево"
Լըմուանը նշել է, որ երեկ հանդիպել եմ ՀՀ արտաքին գործերի նախարար Արա Այվազյանի հետ, իսկ այսօր հանդիպել եմ ՀՀ վարչապետ Փաշւինյանի հետ և քննարկել այս բոլոր հարցերը»,- ասաց Լըմուանը:
«Հայաստանի, Ադրբեջանի և Ռուսաստանի միջև կնքված նոյեմբերի 9-ի եռակողմ համաձայնագիրը ներառում է 9 դրույթ, բայց կան կետեր, որոնք ներառված չեն: Օրինակ՝ սիրիացի վարձկանների դուրսբերման խնդիրը, ինչպես նաևՂարաբաղի հնարավոր հետագա կարգավիճակը», - ասել է նա:
Լըմուանը շեշտել է, որ կան նաև խնդիրներ՝ կապված կայունության և անվտանգության ապահովման հետ: Այդ պատճառով, նրա խոսքով, անհրաժեշտ է շարունակել բանակցությունները ԵԱՀԿ Մինսկի խմբի համանախագահության շրջանակում, և այդ ցանկությունը հայտնել են ինչպես Հայաստանի, այնպես էլ Ադրբեջանի իշխանությունները: -0-