Ադրբեջանը չի դրսևորի գթասրտություն. փորձագետը կոչ է անում Հայաստանի իշխանություններին պատրաստվել ինքնուրույն բացել ճանապարհը դեպի Արցախ (ՎԻԴԵՈ)
13:40
03 Հունվարի 2023
ԵՐԵՎԱՆ, 3 հունվարի./Նովոստի-Արմենիա/. Ադրբեջանը չի դրսևորի գթասրտություն և չի բացի Լաչինի միջանցքը, վստահ է «Մարդկային զարգացման միջազգային կենտրոնի» գործադիր տնօրեն Թևան Պողոսյանը:
«Նովոստի-Արմենիա» գործակալության YouTube-յան ալիքով հեռարձակվող «Հատուկ կարծիք» հաղորդաշարի շրջանակում փորձագետը հայտարարեց, որ Հայաստանը պետք է պատրաստվի ինքնուրույն բացել ճանապարհը դեպի Արցախ:
«Մենք ունենք երկու սցենար. կամ ստեղծել այնպիսի գործիքակազմ, որ Ադրբեջանը այնպիսի տնտեսական, ֆինանսական ցավեր զգա, որ հեռացնի իր բնապահպաններին...կամ ստիպված ենք 1992թ-ի նման ինքներս բացել միջանցքը: Այս սցենարը կարող է լինել միակ ճանապարհը», - ասաց Պողոսյանը:
Նա նշեց, որ այս սցենարը պետք է ամեն օր քննարկվի, դրան պետք է պատրաստվել՝ մի օր իրագործելու համար:-0-
