Ունենք կորցրած դիրքեր, հիմնականում Թալիշի ուղղությամբ. Արցախի նախագահ (ՎԻԴԵՈ)

ԵՐԵՎԱՆ, 27 սեպտեմբերի./Նովոստի–Արմենիա/. Արցախի նախագահ Արայիկ Հարությունյանն այսօր ճեպազրույցի ընթացքում տեղեկացրեց կորցրած դիրքերի մասին։

«Այո, պատերազմի մենք սպասում էինք, իհարկե, օրը մեզ համար պարզ չէր, բայց ՊԲ-ն հիմնականում առավոտյան ժամը 7:00-ին պատրաստ էր պատերազմին։ Եվ սկսվեց ժամը 7–ի կողմերը։ Հարձակումն ամբողջ երկայնքով էր` Օմարից մինչև Արաքս։ Արդյունքները, այո ունենք կորցրած դիրքեր, հիմնականում Թալիշի ուղղությամբ և հարավային թևով։ Ունենք տասնյակ զոհեր, ուզում եմ ցավակցեմ բոլոր հայրենակիցներին։ Ունենք տասնյակ վիրավորներ, ունենք տասնյակ վիրավորներ քաղաքացիական բնակչության շրջանակներում, ունենք զոհեր քաղաքացիական բնակչության շրջանակում», – ասաց Հարությունյանը։

Նա նշեց, որ կարծե թե ձեռագիրը նույնն է, բայց մասշտաբները անհամեմատելի են` ամբողջ երկայնքով մեկ։–0–