Ունենք 18 տարեկան զինվոր, որ հակառակորդի 9 զրահատեխնիկա է խոցել ու շարունակում է. Արցախի նախագահ

01:32

01 Հոկտեմբերի 2020

ԵՐԵՎԱՆ, 1 հոկտեմբերի./Նովոստի–Արմենիա/. Ունենք 18 տարեկան զինվոր, որ հակառակորդի 9 զրահատեխնիկա է խոցել ու շարունակում է, հայտարարել է Արցախի նախագահ Արայիկ Հարությունյանը` ներկայացնելով առաջնագծում մեր զինվորների սխրանքները։

Загружается новость ... "Лево"

«Ունենք 18 տարեկան զինվոր, որ հակառակորդի 9 զրահատեխնիկա է խոցել ու շարունակում է։ Կան ղարաբաղյան առաջին պատերազմի և 2016թ.–ի պատերազմի մասնակիցներ, որոնք առգրավվել են 3 միավոր տեխնիկա, և այդ տեխնիկան մենք այսօր օգտագործում ենք թշնամու դեմ», – ասաց նա։

Նախագահը ընդգծեց, որ հերոսներից մեկը նռնակով վազել է թշնամու խրամատ, թշնամուն տվել է հնարավոր առավելագույն վնաս և հետո իրեն պայթեցրել է թշնամիների հետ միասին։

«Մենք ունենք հայրենակից, ով հրաժարվել է Եվրոպայում կյանքի բոլոր հաճույքներից և այսօր գտնվում է առաջնագծում։ Մենք կհաղթենք, քանի որ մենք չենք փնտրում վարձկանների», – ասաց Հարությունյանը։

Արցախում իրավիճակի սրացման մասին

Սեպտեմբերի 27–ին ժամը 07։10–ին Ադրբեջանի ԶՈւ–ն լայնածավալ գործողություններ է սկսել Արցախի շփման գծի ողջ երկայնքով։ Հայաստանի և Արցախի ՊՆ–ների հաղորդմամբ, հակառակորդը սկսել է օդային և հրթիռային հարձակումներ, սակայն հետ է ամղվել մի քանի ուղղություններով։
Ադրբեջանական կողմը կրել է կենդանի ուժի մեծաքանակ կորուստներ, կորցրել է նաև մեծ քանակի տեխնիկա:

Արցախի և Հայաստանի ՊՆ–ների հաղորդմամբ, հայկական կողմից զոհվել է 103 զինծառայող։ Վիրավորվել է մոտ 200 զինծառայող։

Նշենք, որ Ադրբեջանի ԶՈւ–ն գնդակոծում է նաև խաղաղ բնակավայրերը, այդ թվում` Արցախի մայրաքաղաք Ստեփանակերտը, Մարտակերտը։

Արցախում և Հայաստանում հայտարարվել է ռազմական դրություն և համընդհանուր զորահավաք։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Արցախ #զինվոր #սխրանքներ

Թեմատիկ նյութեր