575.78
6.71
487
+23
Եղանակը Երևանում
Հայ

Սպառնում էր սպանել երեխաներին.Մարտակերտի տներից մեկը ներխուժած ադրբեջանցին ձերբակալվել է

11:26
26 Օգոստոսի 2021

ԵՐԵՎԱՆ, 26 օգոստոսի./Նովոստի–Արմենիա/. ԱՀ ոստիկանության, ազգային անվտանգության ծառայության կողմից ստացված օպերատիվ տեղեկությունների հիման վրա և մեր քաղաքացիների աչալրջության շնորհիվ, սույն թվականի օգոստոսի 25-ին ԱՀ Մարտակերտ քաղաքի Տերյան փողոցի մի բնակարանում հայտնաբերվել է Ադրբեջանի զինված ուժերի զինծառայող Ջամիլ Բաբաևը, հաղորդում է Արցախի տեղեկատվական շտաբը` հղում անելով Արցախի դատախազությանը։ 

Նույն օրը վերջինս բերման է ենթարկվել ԱՀ ազգային անվտանգության ծառայություն: Հարուցվել է քրեական գործ առերևույթ ԱՀ պետական սահմանն ապօրինի հատելու, հիշյալ բնակարանի անչափահաս բնակիչներին սպանության սպառնալիք տալու և լրտեսության հատկանիշներով նախատեսված հանցավոր դեպքերի կապակցությամբ։ 

«Ջ․Բաբաևը ձերբակալվել է, կատարվում է հետաքննություն։ Սույն դեպքի հանգամանքների վերաբերյալ առաջիկայում կտրվի լրացուցիչ տեղեկատվություն», – նշվում է հաղորդագրության մեջ։ 

Загружается новость ... "Лево"

«Միաժամանակ հարկ ենք համարում արձագանքել սույն դեպքի շուրջ երեկվանից սկսված հրապարակումներին։ ԱՀ դատախազությունն անընդունելի է համարում Արցախի Հանրապետության ներքին ու արտաքին անվտանգությանն ու ռազմական ոլորտին վերաբերող տեղեկությունների տարածման, հրապարակման, համացանցային տիրույթ ներբեռնելու և ինքնագործունեության նմանատիպ այլ դրսևորումները։ Դրանք հաճախ կարող են առաջացնել անդառնալի հետևանքներ, խոչընդոտել այլ հանցագործությունների արագ կանխման, խափանման և դեպքի հանգամանքների լիարժեք բացահայտման գործին, առաջացնել չհիմնավորված խուճապ կամ անվերահսկելի ու անկառավարելի վիճակ՝ իր բոլոր բացասական հետևանքներով, որոնք կարծում ենք հասկանալի ու կռահելի են։ Նման դրսևորումները զուգորդվում են նաև մարդկանց անձնական կյանքի վերաբերյալ տեղեկությունների հրապարակմամբ, տուժողի բնակարանի, ինքնության կամ անձնական այլ տվյալների բացահայտմամբ, որը ևս ենթակա է բացառման: Երբ իրավապահ մարմինները քննարկում են հակառակորդի կողմից հնարավոր դիվերսիոն գործողության կազմակերպման կամ հանցավոր խմբի կողմից ԱՀ տարածք ներթափանցելու և լրտեսելու հնարավոր վարկածները, որոնց պատշաճ քննարկումը և հանցավորներին հայտնաբերելու հնարավորությունը ուղղակիորեն փոխկապակցված է հանցակցի բացահայտման դեպքի գաղտնիության հետ, իսկ դրան զուգահեռ՝ ԱՀ քաղաքացիների կամ այլ անձանց կողմից ընթանում է դեպքի հանգամանքների ինքնագլուխ լուսաբանում կամ տարածում, ապա այդպիսի իրավիճակում հաջողության հասնելու հնարավորությունը գրեթե զրոյացվում է», – նշվում է գերատեսչության հաղորդագրության մեջ: 

Գերատեսչությունից նաև նշում են, որ այդպիսի իրավիճակներից խուսափելու համար կարևոր են իրավապահ մարմինների մասնագիտական որակները, այս կամ այն քննչական գործողության կազմակերպման օպերատիվությունն ու գաղտնիության ապահովման հմտությունները, սակայն քաղաքացիների կողմից քաղաքացիական գիտակցություն, համբերատար զսպվածություն ցուցաբերելը, այս կամ այն լուրը առաջինը տարածողի` հանրորեն վտանգավոր հետևանքներ ծնող գայթակղությունից զերծ մնալու պարտադիրության գիտակցումն անհրաժեշտություն է: 

«Հավաստիացնում ենք, մերօրյա արտաքին ու ներքին սպառնալիքների, վտանգների պայմաններում ԱՀ դատախազությունը բաց ու հրապարակային է աննախադեպ չափով` պատրաստ պատասխանել հրապարակման ենթակա ու գաղտնիք չպարունակող տեղեկության վերաբերյալ ցանկացած հարցման: Ուստի նման իրավիճակներում առավել նպատակահարմար է ապավինել տեղեկության ստացման սահմանադրական իրավունքներին», – նշում են Արցախի դատախազությունից:–0–



Partners News
Partners News
ԱՌԿԱ գործակալություն
Բաժնի այլ նյութեր
13:44
15 Սեպտեմբերի 2021
ԱՄՆ–ն ԼՂ խնդիրը լուծված չի համարում.ՀՀ–ում ԱՄՆ դեսպան
ՀՀ–ում ԱՄՆ դեսպանը հայտարարել է, որ Ամերիկայի Միացյալ Նահանգները Լեռնային Ղարաբաղի խնդիրը լուծված չեն համարում
13:41
12 Սեպտեմբերի 2021
«Սրբապիղծ մարդիկ, ամոթ ձեզ»․երգիչ Անդրեն տեսանյութ է հրապարակել (ՎԻԴԵՈ)
«Սրբապիղծ մարդիկ, ամոթ ձեզ»․երգիչ Անդրեն տեսանյութ է հրապարակել.ՎԻԴԵՈ
21:37
11 Սեպտեմբերի 2021
Արցախի պաշտպանության նախարար է նշանակվել
Արայիկ Հարությունյանն Արցախի պաշտպանության նախարար է նշանակել
15:52
11 Սեպտեմբերի 2021
Միքայել Արզումանյանն ազատվել է Արցախի պաշտպանության նախարարի պաշտոնից
Միքայել Արզումանյանն ազատվել է Արցախի պաշտպանության նախարարի պաշտոնից
15:14
10 Սեպտեմբերի 2021
Մուրադովը պարզաբանել է` 5 տարի հետո կերկարաձգվի՞ ռուսական խաղաղապահ զորակազմի առաքելությունն Արցախում
Մուրադովը պարզաբանել է` 5 տարի հետո կերկարաձգվի՞ ռուսական խաղաղապահ զորակազմի առաքելությունն Արցախում
21:36
09 Սեպտեմբերի 2021
ԶԼՄ-ները հայտնում են Արցախի ՊԲ հրամանատարի հրաժարականի մասին, նախագահի մամուլի քարտուղարը մեկնաբանել է
ԶԼՄ-ները հայտնում են Արցախի ՊԲ հրամանատարի հրաժարականի մասին, նախագահի մամուլի քարտուղարը մեկնաբանել է
15:30
07 Սեպտեմբերի 2021
Ադրբեջանն Արցախում կրակել է հայկական դիրքերի և խաղաղ բնակավայրերի ուղղությամբ (ՖՈՏՈ)
Ադրբեջանն Արցախում կրակել է հայկական դիրքերի և խաղաղ բնակավայրերի ուղղությամբ, բնակելի տուն է տուժել.ՖՈՏՈ
13:24
03 Սեպտեմբերի 2021
Արցախի նախարարներից մեկի նկատմամբ քրեական գործ է հարուցվել
Արցախի նախարարներից մեկի նկատմամբ քրեական գործ է հարուցվել
13:07
03 Սեպտեմբերի 2021
Արցախում բացվել է ՀՅԴ Հայ դատի գրասենյակը
Բացման արարողությանը մասնակցել է Արցախի ԱԳ նախարար Դավիթ Բաբայանը
12:08
03 Սեպտեմբերի 2021
Հայկական կողմը չի գնդակոծել Շուշիում տեղակայված դիրքերն ու կորուստներ չի կրել.ՊԲ
Հայկական կողմը հերքում է Ադրբեջանի հերթական ապատեղեկատվությունը
14:07
01 Սեպտեմբերի 2021
Ադրբեջանցիներն ավերել են Հադրութում գտնվող Մակուն կամուրջը. Caucasus Heritage Watch (ՖՈՏՈ)
Ադրբեջանցիներն ավերել են Հադրութում գտնվող Մակուն կամուրջը. ՖՈՏՈ
23:07
28 Օգոստոսի 2021
Արցախում հակառակորդի կրակի հետևանքով զինծառայող է վիրավորվել
Ադրբեջանի ԶՈւ-ն թիրախային կրակ է բացել ՊԲ մարտական դիրքերի ուղղությամբ