ԵՐԵՎԱՆ,14 մարտի./Նովոստի–Արմենիա/. Արցախի Անվտանգության խորհուրդը հայտնում է, որ տեղեկատվական դաշտում հակառակորդը շարունակում է կեղծ լուրերի տարածումը՝ նպատակ ունենալով խուճապ առաջացնել ազգաբնակչության շրջանում:
Загружается новость ... "Лево"
«Տեղեկացնում ենք, որ Արցախի Հանրապետության Պաշտպանության բանակն իրականացնում է իր առջև դրված խնդիրները՝ համաձայն նախօրոք հաստատված պլանների։ Պաշտպանության բանակն ուշադիր կերպով հետևում է ադրբեջանական կողմի բոլոր շարժերին, և շփման գծի ողջ երկայնքով կուտակումների մասին տեղեկությունները չեն համապատասխանում իրականությանը», – նշվում է գերատեսչության հաղորդագրության մեջ:
ԱԽ–ն հորդորում է հանրությանը՝ զերծ մնալ ապատեղեկատվություն տարածելուց և հետևել միայն պաշտոնական լրատվությանը:–0–