Ռուսաստանը ստիպված կլինի կողմնորոշվել Ղարաբաղի հարցում, սակայն չի ուզում կատարել այդ ընտրությունը. Իսկանդարյան (ՎԻԴԵՈ)

ԵՐԵՎԱՆ, 3 հոկտեմբերի./Նովոստի–Արմենիա/. Ռուսաստանը ստիպված կլինի կողմնորոշվել Ղարաբաղի հարցում, սակայն չի ուզում կատարել այդ ընտրությունը, ասաց քաղաքագետ, Կովկասի ինստիտուտի տնօրեն Ալեքսանդր Իսկանդարյանը «Նովոստի–Արմենիա» գործակալության Youtube-յան ալիքով հեռարձակվող «Հատուկ կարծիք» հաղորդաշարի ընթացքում։


Նրա խոսքով, սպասումներն այն մասին, որ ՀԱՊԿ–ն այն կառույցն է, որը «ինչ–որ բան է անելու մեր փոխարեն կամ մեզ զուգահեռ», հիմնվում են ինչ–որ ներքին հոգեբանական պատճառների վրա Հայաստանի ներսում։

«Չեմ կարծում, որ մեր պես հակամարտություններին կգան ղազախ, ղրղըզ, բելառուս և ռուս զինվորներն ու կսկսեն կռվել Ղարաբաղի առաջնագծում»,– ասաց Իսկանդարյանը։

Նրա խոսքով, պատճառն այն է, որ Ռուսաստանի համար ինչպես Հայաստանը, այնպես էլ Ադրբեջանը կարևոր են բայց շատ տարբեր ձև։

Նա նշեց, որ ՀԱՊԿ–ը առանց անվադողի անիվ է, և′ կապերն են տարբեր, և′ կարիքները, սակայն չարժե սպասել ավելիի, քան, օրինակ, Դագեստանի հարավում Ռուսաստանի զանգվածային զորավարժությունների անցկացում։

«Այնքան էլ իրատեսական չէ ակնկալել, որ Ռուսաստանն ընտրություն կկատարի Հայաստանի և Ադրբեջանի միջև, նա նման ընտրության կարիք չունի, և նրա ռազմավարությունը սպասողական է։ Կա միջամտության, սպառնալիքի և ներգրավվածության աստիճան։ Եթե վաղը ապոկալիպսիս տեղի ունենա Թուրքիայի կողմից Հայաստանի տարածքում, ապա Ռուսաստանը պարտավոր է միջամտել, և հենց այդ պատճառով հիմա դա տեղի չի ունենում», – ասաց Իսկանդարյանը։

Նրա խոսքով, եթե հասնի վերջին ակնթարթը, ապա Ռուսաստանը ստիպված կլինի կողմնորոշվել, սակայն նա չի ուզում կատարել այդ ընտրությունը, քանի որ հստակ ընտրության դեպքում նա կարող է կորցնել կամ Հայաստանին, կամ Ադրբեջանին, կամ երկուսին էլ, «սա քաղաքականություն է, և ոչ մի անձնական բան»։–0–