Փաշինյանը Պուտինին ներկայացրել է Ղարաբաղում Լաչինի միջանցքի արգելափակման հետ կապված մտահոգությունների մասին

ԵՐԵՎԱՆ, 9 դեկտեմբերի./Նովոստի-Արմենիա/. Հայաստանի վարչապետ Նիկոլ Փաշինյանը ուրբաթ ՌԴ նախագահ Վլադիմիր Պուտինի հետ հանդիպմանը բարձրացրել է Լաչինի միջանցքի փակման թեման։

«Վստահ եմ, որ դուք տեղեկացված եք, որ վերջերս անգամ փակվել է Լաչինի միջանցքը: Լեռնային Ղարաբաղում շատ մեծ մտահոգություններ ունեն այս առնչությամբ»,- ասել է Փաշինյանը։

Դեկտեմբերի 3-ին Շուշի-Քարին տակ խաչմերուկի հատվածում քաղաքացիական հագուստներով մի խումբ ադրբեջանցիներ բնապահպանական պատճառաբանությամբ փակել էին Ստեփանակերտ-Գորիս մայրուղին: Ադրբեջանական կողմի հետ ավելի քան երեք ժամ տևած բանակցություններից հետո Արցախը Հայաստանին կապող միակ մայրուղին երկկողմանի բացվել է:-0-