Մեր զորքերին հաջողվում է թշնամուն թույլ չտալ որևէ ուղղությամբ զարգացնել հաջողություններ. Հովհաննիսյանը` ռազմաճակատում տիրող իրավիճակի մասին (ՎԻԴԵՈ)
22:54
08 Նոյեմբերի 2020
ԵՐԵՎԱՆ, 8 նոյեմբերի./Նովոստի–Արմենիա/. ՀՀ ՊՆ ներկայացուցիչ Արծրուն Հովհաննիսյանն այսօր ճեպազրույցի ընթացքում ներկայացրել է օպերատիվ տվյալներ ռազմաճակատում տիրող իրավիճակի մասին։
Загружается новость ... "Лево"
«Իրավիճակը ռազմաճակատում շարունակում է մնալ լարված։ Երեկ ամբողջ գիշեր և այսօր ամբողջ օրվա ընթացքում ռազմաճակատի տարբեր ուղղություններով մարտերը շարունակվել են։ Մարտերը եղել են բավականին ինտենսիվ։ Հյուսիսում ադրբեջանական զորքերը՝ հիմնականում փոքր մարտավարական խմբերի, հրետանու կրակի աջակցությամբ, փորձել են հարձակվել մեր դիրքերի ուղղությամբ, սակայն, կորուստներ կրելով, հետ են շպրտվել» . – հայտարարեց նա։
Հովհաննիսյանը տեղեկացրեց, որ Մարտունու ուղղությամբ վաղ առավոտյան որոշակի հաջողություններից հետո, մեր զորքին հաջողվել է թշնամուն կանգնեցնել, հետ շպրտել ելման բնագծերը։
«Սաստիկ է եղել այսօր նաև Բերձորի ուղղությամբ։ Թշնամու ուժերը մի քանի անգամ փորձել են ճեղքել և դուրս գալ դեպի Բերձոր՝ հավանաբար փորձելով այդ ուղղությամբ օգնության հասնել Շուշիում կռվող իրենց ստորաբաժանումներին: Բայց կրելով զգալի կորուստներ, հետ են շպրտվել, ավելին՝ դիմել են փախուստի», – ասաց նա։
ՊՆ ներկայացուցիչը նաև նշեց, որ այս պահին մարտերն ընթանում են, ընդհանուր իրավիճակը կարելի է համարել բավականին դրական:
«Մեր զորքերին հաջողվում է թշնամու ուժերին թույլ չտալ որևէ ուղղությամբ զարգացնել հաջողությունները, բայց մարտերն ընթացքի մեջ են: Գիշերային ժամերին արդեն երրորդ–չորրորդ օրն է, ըստ էության, Շուշիի համար ճակատամարտը շարունակվում է», – ասաց Հովհաննիսյանը:–0–
Սամվել Շահրամանյանը հայտարարել է, որ Արցախի Հանրապետության իրավական դաշտում գոյություն չունի փաստաթուղթ, որով նախատեսվում է լուծարել պետական ինստիտուտները