ԵՐԵՎԱՆ, 1 դեկտեմբերի./Նովոստի–Արմենիա/. ՌԴ–ն չի նկատել միտումնավոր ձգձգումներին ուղղված գործողություններ Լեռնային Ղարաբաղի հակամարտության մասնակիցների կողմից ռազմագերիների և զոհերի մարմինների փոխանակման հարցում, սակայն կան օբյեկտիվ բարդություններ այդ գործընթացի առաջխաղացման համար։
Այս մասին այսօր հայտարարել է ՌԴ ԱԳ նախարար Սերգեյ Լավրովը` ՀԱՊԿ ԱԳՆԽ առցանց նիստի արդյունքում կազմակերպված ասուլիսի ժամանակ, հաղորդում է ՏԱՍՍ–ը։
«Այս դժվար է խոսել այս գործընթացի (ռազմագերիների և զոհերի մարմինների փոխանակման) ձգձգման հետ կապված ինչ–որ միտումնավոր քայլերի մասին, մենք դրանք չենք տեսնում։ Սակայն փաստ է, որ հիմա կան օբյեկտիվ բարդություններ, որոնք, հուսով եմ, արագ կլուծվեն», – նշել է Լավրովը։
Загружается новость ... "Лево"
«ՀԱՊԿ ԱԳ ղեկավարների հանդիպմանը չի խոսվել ԼՂ–ում ՀԱՊԿ խաղաղապահ համակազմի օգտագործման գաղափարների մասին», – հայտարարել է Լավրովը` պատասխանելով ՏԱՍՍ–ի հարցին։
«Մենք մանրամասն ներկայացրել ենք, թե ինչ միջոցներ է ձեռնարկում Ռուսաստանը Ադրբեջանի, Հայաստանի և ՌԴ–ի ղեկավարների նոյեմբերի 9–ի հայտարարության կատարման հարցում։ Ռուս խաղաղապահներն այնտեղ տեղակայվել են Ադրբեջանի նախագահի և Հայաստանի վարչապետի համաձայնությամբ, որևէ այլ գաղափարի մասին խոսվել», – ասել է նա։
Հայտնի չեն հստակ տվյալներ Արցախի և Հայաստանի քաղաքացիների մասին, որոնք հայտնվել են գերության մեջ կամ համարվում են անհետ կորած։ Համացանցում անընդհատ հայտնվում են տեսանյութեր, որոնցում Ադրբեջանում գերության մեջ գտնվող հայ զինծառայողներն ու քաղաքացիական անձինք ենթարկվում են ծաղրանքի ու տանջանքների։
ՄԻԵԴ–ում հայկական ներկայացուցչությունը կանոնավոր կերպով դիմումներ է ներկայացնում եվրոպական դատարան` պահանջելով Բաքվից տեղեկատվություն տրամադրել գերության մեջ գտնվող ՀՀ քաղաքացիների թվի և վիճակի մասին։
Նոյեմբերի 23–ին փաստաբաններ Արտակ Զեյնալյանն ու Սիրանուշ Սահակյանը, ովքեր Մարդու իրավունքների եվրոպական դատարանում ներկայացնում են հայ ռազմագերիների շահերը, հրապարակել են 17 գերիների անուններ։–0–
