Կրեմլը չափազանց կարևորում է Ղարաբաղի հարցով պայմանավորվածությունների կատարումը. Պեսկով

ԵՐԵՎԱՆ, 12 հոկտեմբերի./Նովոստի–Արմենիա/. Կրեմլը չափազանց կարևորում է Ղարաբաղի հարցով պայմանավորվածությունների կատարումը, որպեսզի հետո հակամարտող կողմերն ամբողջությամբ հրաժարվեն ռազմական գործողություններից ու անցնեն կարգավորման դիվանագիտական միջոցներին, հայտնում է ՏԱՍՍ–ը։

«Մենք բարձր ենք գնահատում գիտակցումը, որը համաձայնեցվել է, հումանիտար ընդմիջման որոշումը, որը ձեռք է բերվել շփման արդյունքում (ՀՀ, ՌԴ և Ադրբեջանի ԱԳ նախարարների)», – լրագրողներին ասել է ՌԴ նախագահի մամուլի քարտուղար Դմիտրի Պեսկովը։

Նա ընդգծել է, որ հիմա Մոսկվան «շատ ուշադիր հետևում է իրավիճակին, Կրեմլում տեսնում են խախտումների (հրադադարի ռեժիմի) մասին երկու կողմերի հաղորդագրությունները»։

«Կարծում ենք, որ ձեռք բերված պայմանավորվածությունների կատարումը չափազանց կարևոր է, որպեսզի հեռանկարում ամբողջությամբ հրաժարվենք ռազմական գործողություններից և անցում կատարվի հակամարտության կարգավորման քաղաքական–դիվանագիտական միջոցներին» , –ընդգծել է Կրեմլի ներկայացուցիչը։–0–