Հայաստանը պատրաստ է վերսկսել ԼՂ հակամարտության խաղաղ կարգավորման լիարժեք գործընթացը ԵԱՀԿ ՄԽ համանախագահության ձևաչափում.ԱԳ նախարար

ԵՐԵՎԱՆ, 1 հոկտեմբերի./Նովոստի–Արմենիա/. Հայաստանը պատրաստակամ է ԵԱՀԿ Մինսկի խմբի համանախագահության ձևաչափում վերսկսել ղարաբաղյան հակամարտության խաղաղ կարգավորման լիարժեք գործընթացը։

Միրզոյանը կարևորեց սեպտեմբերի 23-ին Նյու Յորքում ԵԱՀԿ Մինսկի խմբի համանախագահների հետ և սեպտեմբերի 24-ին՝ համանախագահների միջնորդությամբ և մասնակցությամբ Ադրբեջանի ԱԳ նախարարի հետ ունեցած հանդիպումները:

«Դրանք, ըստ էության, գալիս են ևս մեկ անգամ փաստելու, որ հակամարտության խաղաղ կարգավորումը, քաղաքական կարգավորումը մնում է օրակարգում: Նյու Յորքում տեղի ունեցած հանդիպումներին վերահաստատել եմ Հայաստանի պատրաստակամությունը՝ վերսկսելու ղարաբաղյան հակամարտության խաղաղ կարգավորման լիարժեք գործընթացը ԵԱՀԿ Մինսկի խմբի համանախագահության ձևաչափում՝ հայտնի սկզբունքների և տարրերի հիման վրա»,-նշեց Միրզոյանը:–0–