Հայաստանն աշխատում է Արցախի և Ադրբեջանի միջև երկխոսության մեխանիզմի ստեղծման շուրջ. ԱԽ քարտուղար

ԵՐԵՎԱՆ, 14 փետրվարի./Նովոստի–Արմենիա/. Հայաստանն աշխատում է Արցախի և Ադրբեջանի միջև երկխոսության մեխանիզմի ստեղծման շուրջ։ Այս մասին երեքշաբթի ճեպազրույցի ժամանակ հայտարարեց ՀՀ ԱԽ քարտուղար Արմեն Գրիգորյանը։

«Հայաստանը կողմ է, որպեսզի միջազգային տեսանելի մեխանիզմի շրջանակում տեղի ունենան քննարկումներ Ստեփանակերտի և Բաքվի միջև։ Հայաստանը շարունակում է աշխատել միջազգային գործընկերների հետ, որպեսզի այդ մեխանիզմը կայանա», – ասաց Գրիգորյանը։

Նրա խոսքով, այդ մեխանիզմը կարող է արտացոլվել խաղաղության պայմանագրում, որի շուրջ ընթանում են բանակցություննեը։ Նա նաև նշեց, որ հնարավոր են նաև այլ ձևաչափեր։–0–