ԵՐԵՎԱՆ, 5 նոյեմբերի./Նովոստի–Արմենիա/. ՀՀ ՊՆ ներկայացուցիչ Արծրուն Հովհաննիսյանն այսօր կայացած ճեպազրույցի ընթացքում խոսել է «Գյոռբագյոռ» օպերացիայի մասին։
«Ադրբեջանի նախագահն ասում է, որ իրենց զորքերը հարձակվում են դեպի Շուշի։ Բայց հարց է` ինչպես է լինում, որ հարձակվողներին մենք պիտի հատ–հատ հայտնաբերենք ու ոչնչացնենք։ Ցանկացած տեսակի պատերազմի ժամանակ հարձակվողներին չեն փնտրում, հարձակվողները գալիս են», – ասաց Հովհաննիսյանը։
Նա նշեց, որ նախորդ գիշեր գտնվել է Արցախում։
Загружается новость ... "Лево"
«Որոշակի ակտիվություն պահպանում էր նաև հրետանին։ Դիվերսիոն խմբերի չեզոքացման ստարաբաժանումները, անտառների ու բնկայավարերի մաքրողներն իրենց գործը շարունակում են», – հայտարարեց ՊՆ ներկայացուցիչը։
Նրա խոսքով, այն բոլոր վիդերսնանտները, վարձկանները, որոնք ձգտում են նոյեմբերի 9–ին (Ադրբեջանի դրոշի օրը, խմբգր.) որոշակի տեղերում ցուցադրել Ադրբեջանի դրոշը, որոնք վերջին օրերին որևէ կերպ, որևէ ուղղությամբ, չեն կարողանում առաջանալ, դատապարտված են։
«Սա հատուկ Ալիևի մտահղացումն է, թե, չգիտեմ, Էրդողանի, բայց մի բան պարզ է, որ վարձկանները, դիվերսիոն տարբեր խմբերը, լինեն Ադրբեջանի Զինված ուժերի ստորաբաժանումների մշտական կազմից, թե այլ տեղերից, իրենց փոքր խմբերով չեն հաջողելու, որովհետև Շուշիի և հարակից բնակավայրերի բնակիչները զենքը ձեռքներին պաշտպանում են իրենց բնակավայրերը», – ասաց Հովհաննիսյանը։
«Այո, որոշ տեղերում մարտերը շարունակվում են և շարունակվելու են, բայց իրավիճակն օրհասական չէ։ Կան դժվարություններ` տեխնիկական, լոգիստիկ, բայց «Գյոռբագյոռ» օպերացիան շարունակվելու է։ Եվ այդ ձորակները, անտառները, որտեղ նրանք (ադրբեջանական զորքը, խմբգր.) հաճախ բախվելով մեր ստորաբաժանումներին, փախնում են ու պահ են մտնում, սպասելով ավելի հարմար և թույլ կետերին, որպեսզի նորից հարձակվեն, իրենց համար դառնալու են դժոխք», – հայտարարեց Հովհաննիսյանը։–0–