ԵՐԵՎԱՆ, 30 սեպտեմբերի./Նովոստի–Արմենիա/. ՀՀ իշխանությունները ստեղծված ռազմական իրավիճակի կապակցությամբ քննարկում են Արցախի անկախությունը ճանաչելու հնարավորությունը։
Այս մասին հայտարարել է ՀՀ վարչապետ Նիկոլ Փաշինյանը չորեքշաբթի ռուսական ԶԼՄ–ների համար կայացած ասուլիսի ժամանակ, գրում է
ՏԱՍՍ–ը։
«Այո, մեր օրակարգում կա Լեռնային Ղարաբաղի անկախությունը ճանաչելու հարցը։ Կա նաև Ղարաբաղի հետ ռազմա–քաղաքական միություն կնքելու հնարավորություն», – նշել է նա։
Загружается новость ... "Лево"
Փաշինյանն ավելացրել է, որ Հայաստանի գործողություններն ուղղված են ԼՂ–ում երկարատև կայունության հաստատմանը։
«Մենք ունենք նպատակ հաստատել երկարատև խաղաղություն և կայունություն տարածաշրջանում։ Մենք չենք ուզում, որպեսզի օրինակ երկու–երեք տարի անց այս իրավիճակը կրկնվի (ռազմական գործողությունները Լեռնային Ղարաբաղում)։ Սակայն Հայաստանը երբեք չի գործի` ի վնաս իր ազգային շահերին և Լեռնային Ղարաբաղի շահերին», – նշել է քաղաքական գործիչը։
Նրա խոսքով, Հայաստանը կապահովի իր անվտանգությունը` ՀԱՊԿ–ի մասնակցությամբ կամ առանց այդ կազմակերպության մասնակցության։
«ՀԱՊԿ–ի մասնակցության մասին քննարկումները քաղաքական հարց են։ Մենք սերտորեն համագործակցում ենք կազմակերպության մեր գործընկերների հետ, տեղեկացնում ենք ստեղծված իրավիճակի մասին։ Սակայն Հայաստանը պատրաստ է պաշտպանել իր անվտանգությունը` ՀԱՊԿ–ի մասնակցությամբ կամ առանց նրա», – ասել է նա։
Փաշինյանը նաև տեղեկացրել է, որ Հայաստանը պատրաստ է հյուրընկալել ԵՏՄ միջկառավարական խորհրդի նիստը հոկտեմբերի 9–ին Երևանում։–0–