ՀՀ ԱԳ նախարար. Արցախում Ադրբեջանի կողմից արգելված ֆոսֆորային զինամթերքի կիրառումը շարունակվող ագրեսիա է (ՎԻԴԵՈ)

ԵՐԵՎԱՆ, 31 հոկտեմբերի./Նովոստի–Արմենիա/. ՀՀ ԱԳ նախարար Զոհրաբ Մնացականյանը հայտարարել է, որ Արցախում Ադրբեջանի կողմից արգելված ֆոսֆորային զինամթերքի կիրառումը համատարած անհարգանք է իր ստանձնած պարտավորությունների նկատմամբ և շարունավող ագրեսիա է։

«Այս անգամ Ադրբեջանը կիրառել է ֆոսֆորային զինամթերք Արցախում` անտառների վրա, բազմաթիվ խաղաղ բնակիչներով բնակեցված բնակավայրերի մոտ։ Ինչ է անում Ադրբեջանը. համատարած անհարգանք իր ստանձնած պարտավորությունների նկատմամբ, շարունակվող ագրեսիա, քաղաքացիական բնակչության ոչնչացում և արգելված զենքի կիրառում», – գրել է Մնացականյանը Twitter–ի իր միկրոբլոգում։

Ինչպես ավելի վաղ հայտնել էր Արցախի պաշտպանության նախարարությունը, ադրբեջանաարցախյան հակամարտության գոտում թշնամական ուժերը կիրառել են քիմիական զենքի տարրեր պարունակող ֆոսֆորային զինատեսակ, ինչը հանդիսանում է միջազգային մարդասիրական իրավունքի, սովորութային իրավունքի նորմերի ու սկզբունքների, Ժնևյան կոնվենցիաների, ինչպես նաև ՄԱԿ-ի համապատասխան կոնվենցիաներով ու փաստաթղթերով նախատեսված դրույթների կոպտագույն խախտում և, բացի հայկական ուժերին վնասներ պատճառելու նպատակ հետապնդելուց, նաև խնդիր ունի առաջացնել մասսայական անտառային հրդեհներ ու տվյալ տարածքում ստեղծել բնապահպանական աղետի իրական վտանգներ:–0–

This time #Azerbaijan used phosphorus munitions in #Artsakh over forests close to residential areas with many civilians.

What Azerbaijan is doing: total disrespect of its commitments, continued aggression, devastation of civilian population & use of banned weapons. pic.twitter.com/YyEjZ0ldUY

— Zohrab Mnatsakanyan (@ZMnatsakanyan) October 31, 2020