ԵՐԵՎԱՆ, 8 հոկտեմբերի./Նովոստի–Արմենիա/. Ղարաբաղյան հակամարտությունն ավարտված չէ, կարծում է ՌԴ ԱԳՆ Մոսկվայի միջազգային հարաբերությունների պետական ինստիտուտի Միջազգային ուսումնասիրությունների ինստիտուտի Եվրո–ատլանտյան անվտանգության հարցերով կենտրոնի առաջատար գիտաշխատող Սերգեյ Մարկեդոնովը։
«Եկեք որոշենք ավարտված լինելու չափորոշիչները, դա խաղաղ համաձայնագիրն է, որը քիչ թե շատ լեգիտիմ է երկու հասարակություններում», – ասաց նա «Կովկասը XXI դարում» միջազգային գիտաժողովի ընթացքում։
Քաղաքագետը նշեց, որ 2020թ.–ի նոյեմբերի համաձայնագրի հետ կապված դժգոհություն կա ոչ միայն Հայաստանում, այլև Ադրբեջանում։
Նրա խոսքով, ադրբեջանականա հասարակությունն ամբողջությամբ և մինչև վերջ չի ընդունել պատերազմի արդյունքները։
Փորձագետը նաև ընդգծեց, որ մնում է Ղարաբաղի կարգավիճակի հարցը, որի մասին խոսում է ոչ միայն Հայաստանը, այլև ԵԱՀԿ Մինսկի խումբը։
«Քանի դեռ այս հարցերը մնում են, մենք չենք կարող խոսել ավարտված լինելու մասին։ Բացի այդ, հակամարտությունը բացառապես ղարաբաղյան չէ, այն հայ–ադրբեջանական է։ Այն, ինչ մենք հիմա տեսնում ենք սահմանների դեմարկացիայի և դելիտիմացիայի հետ կապված (Հայաստանի և Ադրբեջանի, խմբգր,), չէ որ հարցը լուծված չէ», – ասաց Մարկեդոնովը։
Մասնավորապես փորձագետը նշեց չփակված սահմանային սեթերը, որոշ խնդիրներ Նախիջևանի, Տավուշի, Գորիս–Կապան մայրուղու հարցում։
«Մենք չենք կարող ասել, որ այդ ամենը լուծված է։ Բայց ղարաբաղյան գործոնի` կենտրոնական, վճռորոշ ազդեցությունը հայկական քաղաքականության մեջ աստիճանաբար նվազելու է», – ասաց նա։–0–
