Արսեն Թորոսյանը մեկնել է Արցախ

ԵՐԵՎԱՆ, 28 սեպտեմբերի./Նովոստի–Արմենիա/. ՀՀ առողջապահության նախարար Արսեն Թորոսյանը տեղեկացրել է, որ մեկնել է Ստեփանակերտ։

«Ստեփանակերտի ճանապարհին եմ, որպեսզի տեղում ծանոթանամ շտապ բժշկական օգնության տրամադրման ամբողջական պատկերը։ Ադրբեջանի ագրեսիայի հենց սկզբից ավելի քան 100 վիրավոր զինծառայողներ և խաղաղ բնակիչներ տեղափոխվել են Երևանի բժշկական կենտրոններ», – գրել է նա Twitter–ի իր էջում` դնելով #ArtsakhStrong #WeWillWin (Արցախը ամուր է, Հաղթելու ենք) հեշթեգերը։

Սեպտեմբերի 27–ին ժամը 07։10–ին Ադրբեջանի ԶՈւ–ն լայնածավալ գործողություններ է սկսել Արցախի շփման գծի ողջ երկայնքով։ Հայաստանի և Արցախի ՊՆ–ների հաղորդմամբ, հակառակորդը սկսել է օդային և հրթիռային հարձակումներ, սակայն հետ է ամղվել մի քանի ուղղություններով։ Ադրբեջանական կողմը կրել է կենդանի ուժի կորուստներ (մոտ 200 մարդ), կորցրել է նաև տեխնիկա։ Մասնավորապես, ոչնչացվել է 33 տանկ և ԲՄՊ, 4 ուղղաթիռ, 27 ԱԹՍ, 2 ինժեներական զրահամեքենա։

Արցախի և Հայաստանի ՊՆ–ների հաղորդմամբ, հայկական կողմից զոհվել է 31 զինծառայող։ Վիրավորվել է մոտ 200 զինծառայող։

Նշենք, որ Ադրբեջանի ԶՈւ–ն գնդակոծում է նաև խաղաղ բնակավայրերը, այդ թվում` Արցախի մայրաքաղաք Ստեփանակերտը։
Արցախում և Հայաստանում հայտարարվել է ռազմական դրություն և համընդհանուր զորահավաք։–0–