Արցախում հայտարարվել է ձմեռային զորակոչ և զորացրում

ԵՐԵՎԱՆ, 11 դեկտեմբերի./Նովոստի–Արմենիա/. Արցախի նախագահ Արայիկ Հարությունյանն այսօր հրամանագիր է ստորագրել՝ 2021 թվականի ձմեռային զորակոչ անցկացնելու և զորացրում կատարելու մասին, հաղորդում է Արցախի նախագահի աշխատակազմի տեղեկատվության գլխավոր վարչությունը։


Հրամանագրի համաձայն՝ 2021-ի հունվար-փետրվար ամիսներին կանցկացվի Արցախի արական սեռի այն քաղաքացիների պարտադիր զինվորական ծառայության ձմեռային զորակոչը, որոնց 18 տարին լրացել է մինչեւ 2020 թվականի դեկտեմբերի 31-ը ներառյալ եւ որոնք չեն օգտվել զորակոչի տարկետման իրավունքից կամ կորցրել են այն:

Հրամանագրով 2021-ի հունվար ամսում՝ օրենքով սահմանված ժամկետում, կզորացրվեն պարտադիր զինվորական ծառայությունն անցած զինծառայողները:–0–