Արցախում հակառակորդի հարձակման բոլոր փորձերը տապալվել են. Արծրուն Հովհաննիսյանը ներկայացնում է օպերատիվ տվյալներ (ՎԻԴԵՈ)
22:56
02 Նոյեմբերի 2020
ԵՐԵՎԱՆ, 2 նոյեմբերի./Նովոստի–Արմենիա/. Անցած գիշերվա ընթացքում Արցախի հյուսիս-արևմտյան սահմանագոտու ողջ երկայնքով Ադրբեջանի զինված ուժերը ձեռնարկել են լայնածավալ հարձակման մի քանի փորձեր, որոնք տապալվել են, հայտնեց ՀՀ ՊՆ ներկայացուցիչ Արծրուն Հովհաննիսյանն այսօր կայացած ճեպազրույցի ընթացքում։
Որոշ ստորաբաժանումներ, մնալով ծուղակում, մինչև վերջ հրետանային կրակով ջախջախվել են։
«Վաղ առավոտյան, ժամը 7–ից սկսած, հարձակման մի քանի փորձեր են ձեռնարկվել սահմանագոտու այլ հատվածներում. հյուսիսում՝ Մարտակերտի, կենտրոնում՝ Մարտունու ուղղությամբ, հարավային հատվածում` տարբեր ուղղություններով։ Այսօրվա հարձակումները իրենց սաստկությամբ ուժգնությամբ տարբերվում են նախորդ օրերի հարձակումներից», – ասաց Հովհաննիսյանը։
Загружается новость ... "Лево"
Նրա խոսքով, բոլոր ուղղություններում թշնամու հարձակման փորձերը տապալվել են, որոշ տեղերում հետ են շպրտվել նույնիսկ հետապնդման հնարավորությունով։
«Մեր ստորաբաժանումներին հաջողվել է հետապնդել և որոշակի դիրքային փոփոխություններ ունենալ։ Սակայն Մարտունու ուղղությամբ թշնամուն հաջողվել է վերցնել մեկ երկու դիրք․ Մարտունուց հարավ՝ Ճարտարի ուղղությամբ», – ասաց Հովհաննիսյանը։
Նա ընդգծեց, որ այս պահին մարտերը շարունակվում են։
«Ընդհանուր առմամբ, այսօրվա ողջ հարձակողական գործողությունները տապալվել են։ Կիրառվել են հիմնականում վաշտի, գումարտակի չափի ստորաբաժանումներ։ Ակտիվորեն կիրառվել է ավիացիա, մի քանի բնակավայրեր ռմբակոծվել են։ Այդ թվում` ժամը 18։00–18։10–ի մոտակայքում հրետանային հարվածի ընթացքում Դավիթ Բեկ գյուղի ուղղությամբ, որը վարվել է մեր դիրքերի վրա, տուժել է նաև համայնքը, կա մեկ զոհ, որի մասին պաշտոնապես հայտարարվել է: Ընդհանուր առմամբ, իրավիճակը վերահսկելի է։ Հակառակորդի շարժերը, վերախմբավորումները նկատվում են և հիմնականում հրետանու կրակով խոցվում են», – ասաց Հովհաննիսյանը։–0–
Սամվել Շահրամանյանը հայտարարել է, որ Արցախի Հանրապետության իրավական դաշտում գոյություն չունի փաստաթուղթ, որով նախատեսվում է լուծարել պետական ինստիտուտները
Արցախի պետական ինստիտուտները Հայաստանում գործում են՝ ի՞նչ անեն, ի՞նչ ֆունկցիա պետք է իրականացնեն, Հայաստանի Հանրապետություն կա, որի ինստիտուտները գործում են, հայտարարել է ՀՀ նախագահը․ ՎԻԴԵՈ
