+20
Եղանակը Երևանում
Հայ

Արայիկ Հարությունյանը պատասխանել է Փաշինյանի աղմկահարույց հայտարարություններին

21:50
26 Դեկտեմբերի 2021

ԵՐԵՎԱՆ, 26 դեկտեմբերի./Նովոստի-Արմենիա/. Արցախի նախագահ Արայիկ Հարությունյանն, անդրադառնալով ՀՀ վարչապետ Նիկոլ Փաշինյանի վերջին հայտարարություններին ադրբեջանա-ղարաբաղյան հակամարտության վերաբերյալ և դրանց առթիվ մտահոգություններին հատկապես արցախահայության շրջանում՝ մի քանի հիմնական դրույթ է շեշտադրել, որոնց քանիցս անդրադարձել է տարբեր ուղերձներում ու հայտարարություններում. 

1. Արցախահայության ինքնորոշման իրավունքի լիարժեք ճանաչումը որևէ վերապահման ու զիջման ենթակա չէ, և այդ հարցի բացառիկ տերը հենց արցախահայությունն է: Ուստի, միայն Արցախի Հանրապետության իշխանություններն են լիազորված խոսելու Արցախի բնակչության անունից: 

2. Արցախի Հանրապետության անկախության միջազգային ճանաչման նպատակը մեր հիմնական ուղենիշն է, և դրանից շեղում չի կարող իրեն թույլ տալ ոչ մի իշխանություն: Ուստի, Արցախի ժողովուրդն ու իշխանությունները երբևէ ու որևէ կերպ չեն ընդունելու Ադրբեջանի կազմում որևէ կարգավիճակ: 

3. Ոչ միայն կարգավիճակի, այլ նաև ժողովրդագրական առումով վերադարձ անցյալին չի կարող լինել: Ի՞նչ համատեղ բնակության մասին է խոսքը, եթե Ադրբեջանը շարունակում է իր հասարակությանը սնել հայատյացությամբ և պատրաստել ոչ թե խաղաղության, այլ՝ Արցախի հայաթափման: Իհարկե, մենք կողմ ենք հակամարտության խաղաղ կարգավորմանը և պատրաստ ենք այդ ուղղությամբ ջանքեր գործադրել, սակայն մեր ժողովրդի կենսական իրավունքները, շահերն ու պահանջմունքները սակարկելի չեն: 

4. Արցախի Հանրապետության տարածքային ամբողջականությունը պետք է վերականգնվի առնվազն այն տարածքներում, որտեղ 1991թ. հռչակվել է Արցախի Հանրապետությունը: Ուստի, մեր բռնազավթված տարածքները պետք է ապաբռնազավթվեն և մեր հայրենակիցները պետք է կարողանան վերադառնալ իրենց հայրենի տներ: 

5. Ինչ վերաբերում է Արցախի անվտանգությանը, ապա մենք շարունակելու ենք մեր ջանքերը Պաշտպանության բանակի կարողությունների ամրացման ուղղությամբ, իսկ ՌԴ խաղաղապահ զորակազմը պետք է մնա Արցախում կայուն ու անժամկետ կերպով՝ մինչև հակամարտության վերջնական ու արդարացի կարգավորումը և անվտանգության միջազգային լրացուցիչ երաշխիքների տրամադրումը: 

Загружается новость ... "Лево"

6. Չանդրադառնալով անցյալում բանակցային գործընթացի մանրամասներին՝ պարզապես պետք է արձանագրել, որ հիմա պահը շատ ավելի պատասխանատու ու վճռական է, քան երբևէ։ Հետևաբար, իրավունք չունենք սխալներ թույլ տալու, այլապես այդ սխալները կարող են ճակատագրական լինել Արցախի ու Մայր Հայաստանի համար: 

7. Եթե որևէ հայ ցանկանում է աջակցել Արցախին, ապա պարտավոր է հաշվի նստել արցախահայության կամքի ու նպատակների հետ, այլապես՝ պետք է պարզապես չխանգարել: 

8. Բոլոր իշխանությունները ժամանակավոր են, սակայն մեր նպատակներն ու դիրքորոշումները պետք է պահպանվեն ամուր ու անշեղ կերպով: Մեր ազգային արժեքների ու նպատակների շուրջ միասնականությունը կարևոր է, իսկ, ինչպես նշեցի, ադրբեջանա-ղարաբաղյան հակամարտության կարգավորման հարցում յուրաքանչյուր հայի ու իշխանության ուղենիշը պետք է լինի արցախահայության կամքն ու նպատակները: 

«Արցախը հազարամյակներ շարունակ եղել է հայկական ու մնալու է հայկական, և արցախահայությունն ունի բավարար կամք ու ռազմավարական համբերություն այդ պայքարը շարունակելու: Անկախ որևէ մեկի կամքից ու կարծիքից, վստահ եմ, արցախահայությունը շարունակելու է իր արդար պայքարը հանուն Արցախի անկախության միջազգային ճանաչման և Հայրենիքի պաշտպանության» ,- նշել է Հարությունյանը: 

Փաշինյանի աղմկահարույց հայտարարությունը

Դեկտեմբերի 4-ին առցանց ասուլիսի ժամանակ Փաշինյանը հայտարարել է, որ բանակցային ողջ գործընթացի ընթացքում «երբեք, ոչ մի անգամ ոչ մի իշխանության և ոչ մի բանակցողի կողմից երբեք չի վիճարկվել Լեռնային Ղարաբաղում ապրած ադրբեջանցիների իրավունքների հարցը»:

«Լեռնային Ղարաբաղի ինքնավար մարզը երբեք ոչ մի անգամ բանակցային գործընթացում չի դիտարկվել որպես զուտ և միայն հայկական միավորում, բանակցային սկզբունքներում արձանագրված է, որ ԼՂԻՄ-ում ապրել են նաև ադրբեջանցիներ, և նրանց իրավունքների պաշտպանությունը եղել է բանակցային թեմայի մեջ: բանակցային բովանդակության մեջ, որում խոսվում էր ԼՂ-ի վերջնական կարգավիճակի ճշգրտման համար նախատեսվող հանրաքվեի մասին, խոսք էր գնում ԼՂ ողջ բնակչության մասին, ինչը նշանակում է ոչ միայն հայկական, այլ նաև ադրբեջանական բնակչություն», - նշել է ՀՀ վարչապետը: 

«Երբ Սերժ Սարգսյանը նախկինում ասում էր՝ Արցախը երբեք չի լինելու Ադրբեջանի կազմում, հիմա չի ասում, որ իր բանակցություններն էն մասին էր, որ Արցախը երբեք չի լինելու Ադրբեջանի կազմում, այլ որ Արցախը պետք է հայկական մնար։ Ասեմ ավելին՝ դրա հետ էլ համաձայն չեմ, որովհետև Արցախը չէր կարող ամբողջությամբ հայկական լիներ: Ի՞նչ նկատի ունենք՝ հայկական։ Այդ բանակցություններից ակնհայտ էր, որ Արցախը՝ ԼՂԻՄ-ը, ունենալու էր թե՛ հայկական, թե՛ ադրբեջանական բնակչություն, ԼՂ-ում արդյո՞ք լինելու էր օրենսդիր իշխանություն՝ այո, լինելու էր, բայց այն ամբողջությամբ հայկական չէր լինելու, լինելու էր ադրբեջանական քվոտա ու հայկական քվոտա։ Լինելու՞ էին ՏԻՄ-եր՝ այո, բայց դրանք ոչ միայն հայկական, այլև ադրբեջանական էին լինելու», - ասել է Փաշինյանը:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
11:07
11 Մայիսի 2022
Ձերբակալվել է ՊԲ հրամանատարի նախկին տեղակալ, գեներալ–մայոր Սամվել Կարապետյանը Ստեփանակերտի հրապարակում հնչած կրակոցների գործով
Ստեփանակերտի հրապարակում հնչած կրակոցների գործով ձերբակալվել է ՊԲ հրամանատարի նախկին տեղակալ, գեներալ–մայոր Սամվել Կարապետյանը
23:05
10 Մայիսի 2022
Ստեփանակերտի «Վերածննդի» հրապարակում հրաձգություն է տեղի ունեցել
Ստեփանակերտի «Վերածննդի» հրապարակում այսօր հրաձգություն է տեղի ունեցել
12:38
03 Մայիսի 2022
Արցախի առանձնատներից մեկում թաղված վիճակում երկու դի է հայտնաբերվել` գլխի վնասվածքներով
Արցախի առանձնատներից մեկում թաղված վիճակում երկու դի է հայտնաբերվել` գլխի վնասվածքներով
13:06
29 Ապրիլի 2022
Փաշինյան. խաղաղության օրակարգն ամենևին էլ պարտության օրակարգ չէ, այլ Արցախի ժողովրդի անվտանգությունը, իրավունքներն ու ապագան երաշխավորելու օրակարգ (ՎԻԴԵՈ)
Փաշինյանն այսօր Արցախի նախագահի գլխավորությամբ ՀՀ կառավարությունում տեղի ունեցած խորհրդակցության ժամանակ հայտարարել է, որ խաղաղության օրակարգն ամենևին էլ պարտության օրակարգ չէ. ՎԻԴԵՈ
15:05
27 Ապրիլի 2022
Դադարեցվել է Ստեփանակերտի և գործող գազալցակայանների գազամատակարարումը
Դադարեցվել է Ստեփանակերտի և գործող գազալցակայանների գազամատակարարումը
12:13
27 Ապրիլի 2022
ՄԱԿ–ում որպես պաշտոնական փաստաթուղթ տարածվել է Արցախի ՄԻՊ–ի զեկույցը
ՄԱԿ–ում որպես  պաշտոնական փաստաթուղթ տարածվել է Արցախի ՄԻՊ–ի զեկույցը
11:54
27 Ապրիլի 2022
ԱՄՆ–ն դեմ է Արցախի հարցով ցանկացած միակողմանի գործողություններին, հատկապես Ադբերջանի կողմից. ԱՄՆ պետքարտուղար
ԱՄՆ պետքարտուղարը հայտարարել է, որ ԱՄՆ–ն դեմ  է Արցախի հարցով ցանկացած միակողմանի գործողություններին, հատկապես Ադբերջանի կողմից
19:13
25 Ապրիլի 2022
ՀՀ վարչապետի հետ կա հստակ պայմանավորվածություն. Արցախի նախագահն անդրադարձել է Արցախի կարգավիճակին
ՀՀ վարչապետի հետ կա հստակ պայմանավորվածություն. Արցախի նախագահն անդրադարձել է Արցախի կարգավիճակին
19:30
24 Ապրիլի 2022
Սոցցանցերում տեղեկություն է տարածվել Ստեփանակերտի բնակչության տարհանման մասին, Արցախի տեղեկատվական շտաբը մեկնաբանում է
Սոցցանցերում տեղեկություն է տարածվել Ստեփանակերտի բնակչության տարհանման մասին, Արցախի տեղեկատվական շտաբը մեկնաբանում է
16:07
22 Ապրիլի 2022
Փաշինյանը պատասխանել է «Արցախը հանձնելու մասին» մեղադրանքներին
Փաշինյանը պատասխանել է «Արցախը հանձնելու մասին» մեղադրանքներին
15:45
22 Ապրիլի 2022
Փաշինյանն անդրադարձել է ԵԱՀԿ ՄԽ համանախագահության լուծարման մասին գնահատականներին
Փաշինյանն անդրադարձել է ԵԱՀԿ ՄԽ համանախագահության լուծարման մասին գնահատականներին
10:40
21 Ապրիլի 2022
Արցախի ԱԳ նախարար. Հայաստանի և Ադրբեջանի միջև հարաբերությունների կարգավորումը Արցախի հաշվին չի կարող տեղի ունենալ
Դավիթ Բաբայանը հայտարարել է, որ Հայաստանի և Ադրբեջանի միջև հարաբերությունների կարգավորումը Արցախի հաշվին չի կարող տեղի ունենալ