ԵՐԵՎԱՆ, հոկտեմբերի./Նովոստի–Արմենիա/. Le Monde-ի թղթակից Ալլան Կավալի վիճակը ծանր է, նրան վիրահատում են Ստեփանակերտի բժկական կենտրոնում, հայտնում է Հայկական միասնական տեղեկատվական կենտրոնը:
Լրագրողներն Ադրբեջանի ԶՈՒ հրետակոծության հետևանքով վիրավորում էին ստացել:
Հայ և օտարերկրացի լրագրողների վիրավորման մասին
Ավելի վաղ
տեղեկություն է ստացվել, որ Մարտունիում Ադրբեջանի ռմբակոծությունից վիրավորվել են Le Monde-ի 2 լրագրող (Ֆրանսիայի քաղաքացիներ): Նրանց տեղափոխել են Մարտունու հիվանդանոց:
Ադրբեջանական զինված ուժերը թիրախավորել են նաև Արցախում լրագրողական առաքելություն իրականացնող Agence France-Presse (AFP) միջազգային լրատվական գործակալության լրագրողներին տեղափոխող մեքենան:
Մարտական գործողությունները լուսաբանելու ժամանակ հարձակման է ենթարկվել նաև Ժամը լրատվականի նկարահանող խումբը, վիրավորվել է օպերատոր Արամ Գրիգորյանը։ Նույնպես տեղեկություն կա, որ 24News հրատարակության լրագրող Սևակ Վարդումյանը ևս վիրավորում է ստացել մեջքի շրջանում ադրբեջանական օդուժի կողմից Մարտունի քաղաքի ռմբակոծության հետևանքով: Նրան հոսպիտալ են տեղափոխել: «Дождь» հեռուստաալիքի գլխավոր խմբագիր Տիխոն Ձյադկոն գրել է, որ հեռուստաալիքի գլխավոր խմբագրի տեղակալ Դմիտրի Ելովսկին ԼՂ Մարտունի քաղաքում ընկել է ռմբակոծության տակ: Այնտեղ է գտնվել է CivilNet-ի նկարահանող խումբը. ռմբակոծության հետևանքով հինգ հոգուց ոչ ոք չի տուժել, չնայած, լրագրող Թաթուլ Հակոբյանի հաղորդմամբ, հարվածները հասցվում են քաղաքացիական օբյեկտներին:–0–
