Ադրբեջանական իշխանությունները կարող են Լաչինի անցակետով անցնող ցանկացած մեկին ձերբակալել, կալանավորել, գողանալ. Թաթոյան (ՎԻԴԵՈ)
14:51
12 Մայիսի 2023
ԵՐԵՎԱՆ, 12 մայիսի./Նովոստի–Արմենիա/. Ադրբեջանը նպատակ է հետապնդում մեկուսացնել Արցախն արտաքին աշխարհից, հայտարարեց Հայաստանի մարդու իրավունքների նախկին պաշտպան, Իրավունքի և արդարության կենտրոն «Թաթոյան» հիմնադրամի ղեկավար Արման Թաթոյանն այսօր ասուլիսի ժամանակ։
«Լաչինի անցակետի տեղադրումը լավ պլանավորված հատուկ գործողություն էր։ Ադրբեջանը փորձեց դա անել փափուկ ուժի միջոցով։ Անցակետի տեղադրումը բացահայտ անօրինական է` միջազգային, մարդու իրավունքների, միջազգային իրավունքի տեսանկյունից, միջազգային քրեական իրավունքի, մարդասիրական իրավունքի տեսանկյունից։ Ադրբեջանական իշխանությունները կարող են Լաչինի անցակետով անցնող ցանկացած մեկին ձերբակալել, կալանավորել, գողանալ։ Եվ ո՞վ կիմանա այդ մարդը որտեղ հայտնվեց», – ասաց Թաթոյանը։
Սամվել Շահրամանյանը հայտարարել է, որ Արցախի Հանրապետության իրավական դաշտում գոյություն չունի փաստաթուղթ, որով նախատեսվում է լուծարել պետական ինստիտուտները