ԱՄՆ–ում կարծում են, որ Թուրքիան տանում է ԼՂ հակամարտության էսկալացիայի և տապալում խաղաղ գործընթացը

00:27

30 Սեպտեմբերի 2020

ԵՐԵՎԱՆ, 30 սեպտեմբերի./Նովոստի–Արմենիա/. Թուրքիան տապալում է խաղաղ գործընթացը, որը կոչված է կարգավորել ԼՂ հակամարտությունը, և տանում է խնդրի էսկալացիայի։

Загружается новость ... "Лево"

Ինչպես հաղորդում է ՏԱՍՍ–ը, երեքշաբթի նման կարծիք է հայտնել ԱՄՆ Կոնգրեսի Ներկայացուցիչների պալատի արտաքին գործերի կոմիտեի նախագահ Էլիոտ Էնգելը (դեմոկրատ, Նյու Յորք նահանգից)։

«Միացյալ Նահանգները, որպես ԵԱՀԿ Մինսկի խմբի համանախագահ, չպետք է աչք փակի այն փաստի վրա, որ Թուրքիան տապալում է խաղաղ գործընթացը, ինչպես նաև հակամարտության սրացման վրա, որն առանց այդ էլ ունի կտրուկ էսկալացիայի միտում», – նշվում է գրավոր հայտարարության մեջ, որը տարածել է ամերիկացի ազդեցիկ պաշտոնյան ԼՂ–ի շուրջ տիրող իրավիճակի կապակցությամբ։

Նրա գնահատմամբ, «մտահոգություն է առաջացնում արտաքին գործող անձանց ազդեցությունը (ԼՂ–ի շուրջ տիրող իրավիճակի վրա), որոնցից է հակամարտության մեջ անմտորեն միջամտող Թուրքիան»։

Արցախում իրավիճակի սրման մասին

Սեպտեմբերի 27–ին ժամը 07։10–ին Ադրբեջանի ԶՈւ–ն լայնածավալ գործողություններ է սկսել Արցախի շփման գծի ողջ երկայնքով։ Հայաստանի և Արցախի ՊՆ–ների հաղորդմամբ, հակառակորդը սկսել է օդային և հրթիռային հարձակումներ, սակայն հետ է ամղվել մի քանի ուղղություններով։
Ադրբեջանական կողմը կրել է կենդանի ուժի մեծաքանակ կորուստներ, կորցրել է նաև մեծ քանակի տեխնիկա

Արցախի և Հայաստանի ՊՆ–ների հաղորդմամբ, հայկական կողմից զոհվել է 80 զինծառայող։ Վիրավորվել է մոտ 200 զինծառայող։

Նշենք, որ Ադրբեջանի ԶՈւ–ն գնդակոծում է նաև խաղաղ բնակավայրերը, այդ թվում` Արցախի մայրաքաղաք Ստեփանակերտը։
Արցախում և Հայաստանում հայտարարվել է ռազմական դրություն և համընդհանուր զորահավաք։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Արցախ #ԱՄՆ #Թուրքիա #միջամտություն #էսկալացիա

Թեմատիկ նյութեր