Թեժ մարտեր Շուշիի համար. ANNA-NEWS–ի բացառիկ կադրերը` մարտական գործողությունների թեժ կետերից (ՎԻԴԵՈ)

ԵՐԵՎԱՆ, 7 նոյեմբերի./Նովոստի–Արմենիա/. Շուշիի մոտակայքւոմ` Քարին տակ ռազմավարական նշանակություն ունեցող գյուղի մոտ, համառ մարտերը չեն դադարում։ Նպատակն է պաշտպանել ռազմավարական բարձունքները, թույլ չտալ Ադրբեջանի ԶՈւ–ին և դիվերսիոն խմբերին ճեղքել հայկական պաշտպանությունը։ 

ANNA-NEWS նախագծի ռազմական թղթակիցները պատրաստել են բացառիկ ռեպորտաժ անմիջապես մարտական գործողությունների թեժ կետերից։ 

«Շուշիի մոտակայքի անտառային հատվածների մաքրման օպերացիան շարունակվում է։ Մեկ օրում Արցախի Պաշտպանության բանակը կարողացել է այստեղ բերել զգալի ռեզերվներ», – ասում է ANNA-NEWS–ի ռազմական թղթակից Ալեքսանդր Խարչենկոն։

Երկար ժամանակվա ընթացքում առաջին անգամ ՊԲ–ն սկսել է զանգվածաբար կիրառել զրահատեխնիկա։ Դա հնարավոր է դարձել, քանի որ անօդաչուները գրեթե դադարել են թռչել Շուշիի տարածքում։

«Մեր հողը պետք է պահենք մինչև վերջ։ Սա է մեր առաքելությունը։ Տրամադրությունը մարտական է։ Տղաներն արծիվներ են», – ասում է Հայրենիքի պաշտպաններից մեկը։

«Իրավիճակը Շուշիի մոտակայքում բավականին բարդ է։ Գործի է դրվել զրահատեխնիկան, նրան են հետևում գրոհող խմբերը։ Նրանց խնդիրն է թույլ չտալ այս հնագույն միջնաբերդի շրջապատումը, քանի որ հակառակորդը փորձում է շրջանցել ինչպես հարավային, այնպես էլ արևելյան կողմից», – նշում է Խարչենկոն։