ԵՐԵՎԱՆ, 6 դեկտեմբերի./Նովոստի–Արմենիա/. Ղարաբաղյան հակամարտության կարգավորումն ու հայկական Զինված ուժերի մարտունակության ամրապնդումն անհնար է միջազգային տարբեր հարթակներում կարճ հանդիպումների կամ համաշխարհային հանրության առաջ ներքաղաքական խնդիրները ցուցադրելու միջոցով, չորեքշաբթի հայտարարեց ՀՀԿ փոխնախագահ, պաշտպանության նախկին նախարար Վիգեն Սարգսյանը Հանրային հեռուստաընկերության ուղիղ եթերով հեռարձակվող նախընտրական բանավեճի ժամանակ։
«Ես ամբողջությամբ բացառում եմ Բանակի ամրապնդման ու ղարաբաղյան հակամարտության լուծման համար բարենպաստ պայմանների ապահովման հնարավորությունը` Ալիևին բնութագրելով խոհեմ կամ պրագմատիկ վերելակում տեղի ունեցած պատահական հանդիպումից հետո, միաժամանակ ուլտիմատիվ հայտարարություններ անելով` սեփական բանակի սպաների կամ Արցախի ղեկավարության հասցեին, ինչը մեծ սպառնալիք է», – հայտարարեց նա։
Սեպտեմբերի 28–ին Դուշանբեում կայացած ԱՊՀ ղեկավարների գագաթնաժողովի շրջանակում Փաշինյանն ու Ալիևը մի քանի ֆրազ էին փոխանակել միմյանց հետ։ Ինչպես ավելի ուշ տեղեկացրեց Փաշինյանը, կարճ զրույցի ընթացքում նրանք պայմանավորվել են հանձնարարել պաշտպանության նախարարներին նվազեցնել լարվածությունը սահմանին, ինչպես նաև ստեղծել «օպերատիվ կապի» գիծ կողմերի միջև, որպեսզի հնարավորություն ստեղծվի իմանալու, թե ով է խախտել հրադադարի ռեժիմը։
«Կարծում եմ` մենք պետք է էապես նվազեցնենք իրավիճակն ընտրություններից հետո։ Եվ եթե մենք դա չանենք, կհայտնվենք նոր, լուրջ մարտահրավերների առաջ», – զգուշացրել է Սարգսյանը։–0–
