Քրեական գործ է հարուցվել ժամկետային զինծառայողի մահվան դեպքի առթիվ
ԵՐԵՎԱՆ, 18 սեպտեմբերի. /Նովոստի-Արմենիա/. Քրեական գործ է հարուցվել ուրբաթ Ղարաբաղի զորամասերից մեկում ժամկետային զինծառայող Նարեկ Փաթաթանյանի մահվան դեպքի առթիվ, հաղորդում է ՀՀ ՔԿ մամուլի ծառայությունը:
Ղարաբաղի զորամասերից մեկում զինծառայող է զոհվել>>
N զորամասի պարտադիր ժամկետային զինծառայող, շարքային Նարեկ Գառնիկի Փաթաթանյանը 16.09.2016թ.՝ ժամը 13:00-ի սահմանում, գլխի շրջանում հրազենային վնասվածք է ստացել և տեղափոխվել զինհոսպիտալ, որտեղ ժամը 16:30-ի սահմանում մահացել է:
«Կատարվել է դեպքի վայրի զննություն, ձեռնարկվել անհետաձգելի մի շարք քննչական գործողություններ։ Նախնական տվյալների հիման վրա՝ առաջին կայազորային քննչական բաժնում հարուցվել է քրեական գործ՝ մարտական հերթապահություն կրելու կանոնները խախտելու դեպքի առթիվ, կատարվում է նախաքննություն», - նշվում է հաղորդագրության մեջ:
Քննության արդյունքների մասին կտրամադրվի լրացուցիչ տեղեկատվություն։ -0-
