Արցախում հակառակորդը խոցել է ՊԲ անօդաչու թռչող սարք. պատասխան գործողությունները կզսպեն թշնամու ակտիվությունը
19.06.2018,
16:20
Նշվում է, որ չնայած նրան, որ նման քայլերով ադրբեջանական կողմը փորձում է խոչնդոտել հայկական անօդաչու թռչող սարքերի թռիչքներին, այդուհանդերձ Արցախի զինված ուժերի հրամանատարությունը վճռական է:
ԵՐԵՎԱՆ, 19 հունիսի. /Նովոստի Արմենիա/. Հունիսի 19-ի ժամը 11.20-ի սահմանում արցախա-ադրբեջանական հակամարտ զորքերի շփման գծի հարավարևելյան ուղղությամբ սահմանային դիտարկում իրականացնելու ժամանակ հակառակորդի կողմից խոցվել է ՊԲ անօդաչու թռչող սարք, տեղեկացնում է ԱՀ ՊՆ մամուլի ծառայությունը:
Նշվում է, որ չնայած նրան, որ նման քայլերով ադրբեջանական կողմը փորձում է խոչնդոտել հայկական անօդաչու թռչող սարքերի թռիչքներին, այդուհանդերձ Արցախի զինված ուժերի հրամանատարությունը վճռական է այսուհետ ևս շարունակելու օդային դիտարկման բնականոն գործընթացը և,միաժամանակ, ինչպես առայսօր, այնպես էլ այսուհետ պատասխան պատժիչ գործողություններով զսպել հակառակորդի ակտիվությունը օդում և ցամաքում:–0–
Պատճենել հղումը
