Թունավորումը երաշխավորված է. 7 բույս, որոնք չի կարելի պահել, եթե տանը երեխա կա
ԵՐԵՎԱՆ, 14 օգոստոսի․/Նովոստի–Արմենիա/. Շատ բույսեր, որոնք մենք սովոր ենք տեսնել տան պատուհանագոգերի վրա, կարող են իրական սպառնալիք լինել երեխաների առողջության համար: Life.ru-ն գրում է, թե որ յոթ հայտնի ծաղիկները չպետք է պահել բնակարանում, եթե երեխաներ ունեք:
Ծոփոր (Mонстера)
Ծոփորը վաղուց գրավել է բույսերի սիրահարների սրտերը իր տպավորիչ տերևներով, սակայն քչերը գիտեն, որ այն անվնաս չէ: Նրա տերևները պարունակում են կալցիումի օքսալատի բյուրեղներ, որոնք կարող են առաջացնել մաշկի, լորձաթաղանթի գրգռում, իսկ օրգանիզմ ներթափանցման դեպքում՝ լուրջ թունավորումներ։
Դիֆենբախիա (Диффенбахия)
Այս բույսի հյութը պարունակում է օքսալատներ, որոնք կարող են ուժեղ այրման և նույնիսկ այտուցի պատճառ դառնալ, եթե այն շփվի մաշկի հետ կամ ավելի վատ՝ հայտնվի բերանի խոռոչում:
Պուանսետիա (Пуансеттия)
Պուանսետիայի կամ «Սուրբ Ծննդյան աստղի» վառ կարմիր տերևները ձմռան տոներին զարդարում են շատերի տունը: Սակայն, չնայած իր տոնական տեսքին, այս բույսը կարող է վտանգավոր լինել։ Պուանսետիայի հյութը մաշկի հետ շփվելիս կարող է առաջացնել գրգռվածություն, իսկ եթե երեխան պատահաբար համտեսի այն, փսխումն ու փորլուծությունը երաշխավորված են:
Ֆիլոդենդրոն (Филодендрон)
Ֆիլոդենդրոնը ամենահայտնի բույսերից է: Այն աճեցնում են իր գեղեցիկ տերևների և օդը մաքրելու ունակության համար: Այնուամենայնիվ, այս բույսը պարունակում է նաև օքսալատներ, որոնք կարող են առաջացնել գրգռվածություն և նույնիսկ ավելի լուրջ հետևանքներ, եթե այն հայտնվի բերանի խոռոչում:
Ալոկազիա (Алоказия)
Ալոկազիան բույս է, որն իր էկզոտիկ տեսքով ապշեցնում է բնության սիրահարներին։ Փղի ականջներ հիշեցնող մեծ տերևները բույսին պահում են ցանկացած ինտերիերի ուշադրության կենտրոնում: Բայց այս գեղեցկության հետևում լուրջ վտանգ է թաքնված. ալոկազիայի հյութը թունավոր է և օրգանիզմ ներթափանցման դեպքում կարող է հանգեցնել ծանր թունավորման:
Կրոտոն (Кротон)
Կրոտոնը կամ կոդիումը ուշադրություն է գրավում իր գունավոր տերևներով։ Բայց բույսի հյութը թունավոր է և կարող է առաջացնել ծանր ռեակցիաներ՝ մաշկի հետ շփման ժամանակ:
Սանսեվյերա (Сансевиерия)
Սա այն բույսերից է, որին ջրելու մասին դուք կարող եք մոռանալ, բայց այն կաճի և կուրախացնի իր կանաչ տերևներով։ Քչերը գիտեն, որ տերևները պարունակում են սապոնիններ, որոնք կուլ տալու դեպքում կարող են սրտխառնոց և փսխում առաջացնել:
