Մոտ 2 ամիս հիվանդանոցում էր․ Լուիզա Ներսիսյանը՝ Հրանտ Թոխատյանի առողջական վիճակի մասին
ԵՐԵՎԱՆ, 22 նոյեմբերի․/Նովոստի–Արմենիա/․ Դերասանուհի Լուիզա Ներսիսյանն անդրադարձել է իր ամուսին՝ հայտնի դերասան Հրանտ Թոխատյանի առողջական վիճակին։
«Մոտ 2 ամիս հիվանդանոցում էր, Միքայելյան հիվանդանոցում ստացավ բուժում, արդեն տանն է: Տրամադրությունը լավ է, ամեն ինչ նորմալ է: Կարևորը, որ այդ դժվար փուլի միջով անցանք ու կարողացանք հաղթահարել»,- ասել է Ներսիսյանը Tert.am Life-ի հետ զրույցում։
Դերասանուհին նշել է, որ այլ մանրամասներ չի ցանկանում հայտնել, կարևորը տրամադրությունը լավ է, և, եթե առիթ լինի որևէ տեղ գնալու, դերասանն անպայման կգնա:
«Անպայման ուզում եմ շնորհակալություն հայտնել պրոֆեսոր Արմեն Մուրադյանին, ով ամեն բան կազմակերպեց, հավաքեց իր շուրջ լավագույն բժիշկներին՝ Լիլիթ Հարությունյանին, Սուրեն Ստեփանյանին, բոլորը իրենց հոգատարությամբ ու նվիրվածությամբ մշտապես մեր կողքին էին»,- նշել է Լուիզան։
