Այս ուտեստները չպետք է լինեն 2025թ․–ի ամանորյա սեղանին. շատ տնային տնտեսուհիներ ամեն տարի դրանք պատրաստում են

ԵՐԵՎԱՆ, 29 նոյեմբերի․/Նովոստի–Արմենիա/․ Գալիք տարին կանցնի ամենաիմաստուն ու խորամանկ էակներից մեկի՝ Օձի հովանու ներքո։

Աստղագուշակները նշում են, որ կարևոր է գոհացնել տարվա խորհրդանիշին հաջորդ 365 օրվա ընթացքում երջանիկ լինելու համար։ Եկեք հասկանանք, թե ինչպես է պետք դիմավորել գալիք 2025 թվականը, ինչ ուտեստներ դնել սեղանին և ինչից խուսափել։

Ինչ չի կարելի պատրաստել Ամանորին

Յուրաքանչյուր տնային տնտեսուհի, ով ցանկանում է հաջողություն և բարգավաճում բերել իր տանն ու ընտանիքին, պետք է պատրաստի մի քանի գեղեցիկ և համեղ ուտեստներ՝ Կանաչ փայտյա օձին հաճոյանալու համար: Ուտեստները պետք է հնարավորինս բազմազան լինեն:

Այն, ինչ հաստատ չի կարելի 2025թ․–ի Ամանորին, կիսաֆաբրիկատներից պատրաստված ուտեստներն են, ինչպես նաև պահածոյացված կամ սառեցված մթերքը: Ավելի լավ է կենտրոնանալ թարմ մթերքի վրա, հատկապես բանջարեղենի, մրգի և կանաչեղենի, քանի որ կանաչը բնական է։

Բացի այդ, օձը նուրբ և ճկուն էակ է, այդ իսկ պատճառով 2025թ․–ի ամանորյա ուտեստերի ցանկում խորհուրդ չի տրվում ներառել ստամոքսի համար «ծանր» ուտեստները: Լոբի, ոլոռ, կրեմով աղանդեր, յուղոտ միս և ձուկ, այս ամենն արգելված է։

  Ցանկալի չէ հյուրերին սառը նախուտեստներ և երշիկեղեն առաջարկել, քանի որ երշիկեղենը պարունակում է մեծ քանակությամբ կոնսերվանտներ, սննդային հավելումներ և ներկանյութեր։ Բացի այդ, այն դժվարամարս է, այնպես որ, եթե ցանկանում եք վայելել նախուտեստներ, ընտրեք հնդկահավ կամ հավ։

Այլ արգելված ուտեստների հետ մեկտեղ այս տարի հակացուցված է ձուկը։

Էզոտերիկայի տեսանկյունից, ենթադրվում է, որ սեղանին ձկան առկայությունը կարող է հանգեցնել ֆինանսական կորուստների։ Դա հիմնականում պայմանավորված է նրանով, որ Օձն առանձնապես չի սիրում ծովերի, գետերի և օվկիանոսների բնակիչներին:

Հավի ձուն նույնպես անցանկալի մթերքների ցանկում է։ Եթե ​​նախկինում՝ 2024 թվականին, ձուն խորհրդանշում էր նոր կյանքի սկիզբ, ապա Օձի համար այս մթերքը կապված է սերունդների պաշտպանության հետ։ Եթե ​​դուք ձու մատուցեք, ապա տարվա խորհրդանիշը կարող է դա համարել ագրեսիայի փորձ։

Օձը գոհ կլինի, եթե ձեր տոնական հյուրասիրության համար ընտրեք հավ, հնդկահավ, թարմ բանջարեղեն և միրգ, փափուկ պանիրներ, կանաչեղեն, նուրբ աղանդեր և անուշաբույր հաց: Հնարավորության դեպքում սեղանը պետք է լինի դիետիկ, բայց համեղ, ինչպես նաև ոչ ալկոհոլային կամ նվազագույն քանակությամբ ալկոհոլով։

Կարդացեք նաև՝ «Կանաչ Փայտե Օձն ընտրել է հինգ հաջողակների․ կենդանակերպի ո՞ր նշաններին է անհավանական հաջողություն սպասվում 2025թ․–ին»