Ոստիկանական Hyundai–ն, կասկածելի մեքենայի հետապնդելիս, կողաշրջվել է

ԵՐԵՎԱՆ, 14 հունիսի. /Նովոստի–Արմենիա/. Նախօրեին խոշոր ավտովթար է տեղի ունեցել Երևանում, գրում է shamshyan.com-ը։

Ժամը 03:00-ի սահմաններում Սարալանջի նորակառույց ճանապարին Երևանի բնակիչ, 28-ամյա Սամվել Աբազյանը իր վարած Hyundai մակնիշի ծառայողական ավտոմեքենայով բախվել է Սարի Թաղ 2-րդ շարքի 60 տան ցանկապատին, իսկ հետո` հաստաբուն ծառին, ինչի հետևանքով կողաշրջվել է։

Կայքի հաղորդմամբ, վարորդ Ս. Աբազյանն ու նրա ուղևոր, Երևանի բնակիչ, 35-ամյա Կարեն Զաքարյանը մարմնական վնասվածքներով տեղափոխվել են թիվ 1 համալսարանական հիվանդանոց:

Դեպքի վայր են ժամանել ճանապարհային ոստիկանության 1-ին սպայական գումարտակի ծառայողները:

Փաստի առթիվ նյութեր են նախապատրաստվում:

Դեպքի վայրում հավաքվածներն ասել են, որ Hyundai-ն, որը հաշվառված է ոստիկանության Երևան քաղաքի վարչության հաշվեկշռում, կասկածելի ավտոմեքենայի է հետապնդելիս եղել, ինչն էլ դարձել է վթարի պատճառ: -0-