Ողբերգություն՝ Հրազդանում․ 40–ամյա հայտնի հրոշակագործ կինն ինքնասպան է եղել
ԵՐԵՎԱՆ, 2 ապրիլի․/Նովոստի–Արմենիա/․ Օրեր առաջ ողբերգական դեպք է տեղի ունեցել Հրազդան քաղաքում: Կախվելու միջոցով ինքնասպանություն է գործել Հրազդանում հայտնի հրուշակագործ, «Միլի տորթեր»-ի հիմնադիր 40 ամյա Ս. Պ-նմ հաղորդում է news.am–ը։
Ներքին գործերի նախարարությունից հայտնել են, որ դեպքը տեղի է ունեցել մարտի 31-ին։ Հրազդանի Անդրանիկի փողոցի բնակարանում կախված են հայտնաբերել 40 ամյա Ս. Պ-ին:
Քննչական կոմիտեից էլ հայտնեցին, որ դեպքի կապակցությամբ հարուցվել է քրեական վարույթ:
News.am–ի տեղեկություններով, Ս. Պ.-ն ամուսնացած էր, ուներ երկու զավակ: Կնոջը ճանաչողները պատմում են, որ նա տաղանդավոր հրուշակագործ էր, երկար տարիներ զբաղվում էր տոնական տորթերի պատրաստմամբ: Նրա պատրաստած տորթերը զարդարել են անգամ հայտնի հասարակական և մշակութային գործիչների միջոցառումները:
