ԵՐԵՎԱՆ, 10 օգոստոսի./Նովոստի-Արմենիա/. ՀՀ վաստակավոր արտիստներ Արմեն Մարությանի և Ալլա Վարդանյանի դուստրը, նրա ամուսինը և 2 երեխաները նախօրեին մահացել են Սյունիքի մարզում տեղի ունեցած ողբերգական ավտովթարի հետևանքով: Այս տեղեկությունը «Նովոստի-Արմենիա» գործակալությանը հաստատել են Գ. Սունդուկյանի անվան ազգային ակադեմիական թատրոնում:
Загружается новость ... "Лево"
Հիշեցնենք, որ նախօրեին հայտնել էինք ողբերգական ավտովթարի մասին:
ՀՀ ԱԻՆ պաշտոնական կայքում հաղորդվում էր, որ օգոստոսի 9-ին, ժամը 16։05-ին Ճգնաժամային կառավարման ազգային կենտրոն ահազանգ է ստացվել, որ Երևան-Սիսիան ավտոճանապարհին՝ Ծղուկ գյուղի մոտակայքում, տեղի է ունեցել ՃՏՊ։ Պարզվել է, որ Մ-2 ավտոճանապարհի Սիսիան-Երևան հատվածի 28-րդ կմ-ին բախվել են «Toyota Fortuner» և «Mercedes» (վարորդ՝ Աշոտ Գ․) մակնիշների ավտոմեքենաները։
ՃՏՊ-ի հետևանքով «Toyota Fortuner» ավտոմեքենայի վարորդը՝ Միհրան Գյուլզադյանը և երեք ուղևորները, նրա կինը՝ 37-ամյա Թամարա Մարությանը և երկու երեխաները՝ 15-ամյա Նարեկ և 9-ամյա Արմեն Գյուլզադյանը տեղում մահացել են:
«Նովոստի-Արմենիա» գործակալությունն իր ցավակցությունն է հայտնում Մարության-Վարդանյան ընտանիքին: -0-
