ԵՐԵՎԱՆ, 29 հունվարի. /Նովոստի–Արմենիա/. Երեքշաբթի գիշերը վիճաբանություն է տեղի ունեցել Հայաստանի ռեստորաններից մեկում։
Ինչպես հայտնում է Հայաստանի քննչական կոմիտեի մամուլի ծառայությունը, ժամը 01.30-ի սահմաններում ահազանգ է ստացվել հրազենային վնասվածքներով 7 երիտասարդի՝ «Աբովյան» Բ/Կ տեղափոխվելու մասին, որոնցից մեկը եղել է մահացած։
Վերջինս Աբովյան քաղաքի բնակիչ է, ծնված՝ 1989թ.։ Մյուս տուժողները նույնպես Աբովյան քաղաքի բնակիչներ են։
Загружается новость ...
"Право"
«Ձեռնարկված անհետաձգելի միջոցառումների արդյունքում պարզվել է, որ նշված անձինք հրազենային վնասվածքներն ստացել են Աբովյան քաղաքի «Պարտեզ» ռեստորանային համալիրում ծագած վիճաբանության ժամանակ»,– նշվում է հաղորդման մեջ։
Դեպքի վայրի զննությամբ հայտնաբերվել են տարբեր տրամաչափի պարկուճներ:
ՀՀ ՔԿ Կոտայքի մարզային քննչական վարչությունում հարուցվել է քրեական գործ, իրականացվում են մեծածավալ քննչական և օպերատիվ-որոնողական միջոցառումներ՝ դեպքի բոլոր հանգամանքները պարզելու համար։ -0-
