ԵՐԵՎԱՆ, 31 մարտի. /Նովոստի-Արմենիա/. Նախօրեին ՃՏՊ է տեղի ունեցել Վարդենիս-Սոթք ավտոճանապարհին:
Ինչպես հայտնում է ԱԻՆ մամուլի ծառայությունը, ժամը 18:45-ին 911 ծառայությանն ահազանգ է ստացվել, որ Գեղարքունիքի մարզի Վարդենիս-Սոթք ավտոճանապարհին՝ երկաթգծի մոտակայքում, ավտոմեքենան դուրս է եկել ավտոճանապարհի երթևեկելի հատվածից և շրջվել:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
«Պարզվել է, որ Մ-1 ավտոճանապարհի Վարդենիս-Սոթք հատվածի 8-րդ կմ-ին՝ Շատվան համայնքի մոտակայքում, «Opel Vectra» մակնիշի ավտոմեքենան (վարորդ՝ Ա.Ժ., ծնված 1990թ.) դուրս է եկել ավտոճանապարհի երթևեկելի հատվածից և շրջվել»,- նշվում է հաղորդման մեջ:
Մինչև փրկարարների՝ կանչի վայր հասնելը քաղաքացիների օգնությամբ ավտոմեքենան ուղղվել է, իսկ ուղևոր Ա.Խ.-ն (ծնված 2009թ.) դուրս է բերվել արգելափակումից:
Հոսպիտալացման անհրաժեշտություն չի առաջացել:
Վարորդը, սակայն, հոսպիտալացվել է Վարդենիսի զինվորական հոսպիտալ, որտեղ բժիշկները նրա առողջական վիճակը գնահատել են բավարար: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում