Վանաձորում VAZ–ը բախվել է բեռնատարին․ ուղևորը տեղում մահացել է, 4 մարդ հոսպիտալացվել է (ՖՈՏՈ)
ԵՐԵՎԱՆ, 29 մայիսի․/Նովոստի–Արմենիա/․ Վանաձորում մեքենան բախվել է բեռնատարին, կա զոհ և տուժածներ, հայտնում են Փրկարար ծառայությունից։
Մայիսի 29-ին, ժամը 01:10-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վանաձոր-Ստեփանավան ավտոճանապարհին տեղի է ունեցել
ՃՏՊ։ Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ:
Պարզվել է, որ Վանաձոր քաղաքի Մարշալ Բաղրամյան փողոցի թիվ 60 հասցեի մոտակայքում «VAZ» մակնիշի ավտոմեքենան բախվել է մայթեզրին կայանած «Mercedes-Benz» մակնիշի բեռնատարին. մեկ ուղևոր տեղում մահացել է։
Փրկարարները «VAZ» մակնիշի ավտոմեքենայից դուրս են բերել և շտապօգնության ավտոմեքենային մոտեցրել մեկ ուղևորի․ վերջինս և վարորդը հոսպիտալացվել են բժշկական կենտրոն։
Երկու ուղևոր ևս հոսպիտալացվել է բժշկական կենտրոն։ Փրկարարներն իրականացրել են ճանապարհի լվացման աշխատանքներ։
Ինչպես հայտնում է առողջապահության նախարար Անահիտ Ավանեսյանը,
Վանաձոր` տուժել է 5 անձ, որից 4 տուժած տեղափոխվել են Վանաձոր ԲԿ, 2-ը թեթև վնասվածքներով են, չեն հոսպիատալացվել, 2-ի առողջական վիճակը ծայարահեղ ծանր է, գտնվում են վերակենդանացման բաժանմունքում:
