Ուժգին պայթյուն և փլուզում ավտոմեքենաների գազաբալոնային համակարգերի տեղադրման կայանում. կան վիրավորներ

ԵՐԵՎԱՆ, 17 հունվարի./Նովոստի-Արմենիա/. Այսօր՝ հունվարի 17-ին, արտակարգ դեպք է տեղի ունեցել Կոտայքի մարզում։

Shamshyan.com-ի հաղորդմամ, ժամը 18։00-ի սահմաններում Զովունի գյուղում՝ Զովունու գյուղապետարանի հարևանությամբ գործող ավտոմեքենաների գազաբալոնային համակարգերի տեղադրման կայանում տեղի է ունեցել պայթյուն։

Պայթյունի հետևանքով 3 մարդ տարբեր աստիճանի այրվածքներով տեղափոխվել են Երևան Այրվածքածաբանության ազգային կենտրոն։

Պայթյունի հետևանքով տեղի է ունեցել հսկայական փլուզում, կոտրվել են ապակիները, վնասվել են նաև 4 տարբեր մակնիշի ավտոմեքենաներ։

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։-0-