Տուժածներից 2-ի առողջական վիճակը միջին ծանրության է. ԱՆ-ն՝ այսօր Երևանում տեղի ունեցած պայթյունից տուժածների մասին
30.09.2025,
18:18
Առողջապահության նախարարությունը տեղեկություն է հրապարակել այսօր Երևանում՝ կարի արտադրամասում տեղի ունեցած պայթյունից տուժածների առողջական վիճակի վերաբերյալ
ԵՐԵՎԱՆ, 30 սեպտեմբեր․/Նովոստի-Արմենիա/. Առողջապահության նախարարությունը տեղեկություն է հրապարակել այսօր Երևանի Այասի փողոցում գտնվող կարի արտադրամասում տեղի ունեցած պայթյունից տուժածների առողջական վիճակի վերաբերյալ։
«Երևանի Այասի փողոցում գտնվող կարի արտադրամասում տեղի ունեցած պայթյունի հետևանքով հոսպիտալացվել է 4 քաղաքացի: Տուժածներից մեկն անհրաժեշտ բուժօգնություն ստանալուց հետո դուրս է գրվել: 2 տուժածի առողջական վիճակը գնահատվում է միջին ծանրության, ստանում են անհրաժեշտ բուժօգնություն, մյուսինը` բավարար»,-նշվում է հաղորդագրության մեջ։
Նշենք, որ այսօր ժամը 16։12-ին Ճգնաժամային կառավարման ազգային կենտրոն տեղեկություն է ստացվել, որ Երևան քաղաքի Այասի փողոցում գտնվող կարի արտադրամասում տեղի է ունեցել պայթյուն:
Պատճենել հղումը
