Տրանսպորտի նախարարությունում ռումբի առկայության մասին հաղորդում է ստացվել

ԵՐԵՎԱՆ, 1 սեպտեմբերի. /Նովոստի–Արմենիա/. Հայաստանի ոստիկանությունում հաղորդում է ստացվել, որ Տրանսպորտի, կապի և տեղեկատվական տեխնոլոգիաների նախարարության շենքում ռումբ է դրված։

Ինչպես «Նովոստի–Արմենիա» գործակալությանը հայտնեցին Ոստիկանության մամուլի ծառայությունից, անհայտ անձից հեռախոսազանգը ստացվել է 10։25–ին։

Հանրապետության հրապարակում գտնվող նախարարության շենք են մեկնել ոստիկանության օպերատիվ խմբերը։

Հայկական ԶԼՄ–ների փոխանցմամբ, ներկայում կատարվում է աշխատակիցների տարհանում։ -0-