83-ամյա տղամարդը կրակել է 62-ամյա համագյուղացու վրա․ վերջինս կռացել է և ողջ մնացել (ՎԻԴԵՈ)
19:20
30 Հուլիսի 2020
ԵՐԵՎԱՆ, 30 հուլիսի․ /Նովոստի-Արմենիա/․ Հուլիսի 30-ի առավոտյան ոստիկանության Մարտունու բաժնում հաղորդում է ստացվել, որ Լիճք գյուղում կրակոց է հնչել։ Այս մասի հայտնում է ՀՀ ոստիկանության մամուլի ծառայությունը։
Загружается новость ... "Лево"
Դեպքի վայր մեկնած օպերատիվ-քննչական խմբերը տեղում իրականացրած հետախուզական միջոցառումների և քննչական գործողությունների արդյունքում պարզել են կատարվածի մի շարք հանգամանքներ։ Քննությանը հայտնի նախնական տվյալներով՝ ապօրինի հրացանով կրակել է Լիճք գյուղի բնակիչ, 83-ամյա մի տղամարդ։ Թիրախը 62-ամյա համագյուղացին է եղել։ 83-ամյա տղամարդը մոտ տարածությունից հրացանը պահել է նրա դեմքի ուղղությամբ։ Կրակոցի պահին 62-ամյա տղամարդը կռացել է ու ողջ մնացել։ Հրացանավորը փորձել է երկրորդ անգամ կրակել, բայց ինչ-ինչ պատճառներով հրազենը չի կրակել։ 62-ամյա տղամարդուն հաջողվել է խլել հրացանը։
«Այն առգրավված է։ Նշանակվել են փորձաքննություններ։ Դեպքի առթիվ քրեական գործ է հարուցվել։ Կասկածվողը բերման է ենթարկվել ոստիկանության Մարտունու բաժին»,- ասվում է հաղորդագրության մեջ։
Կատարվածի այլ հանգամանքներ, ինչպես և հանցագործության շարժառիթը նախաքննությամբ պարզվում են։-0-